Sisiliyalı biznesmenlər Bakıya gəliblər

Ötən həftə İtaliyanın Sisiliya vilayətinin mebel sənayesi, maşınqayırma, tikinti və digər sahələrində fəaliyyət göstərən beş şirkətinin nümayəndələri azərbaycanlı tərəfdaşları ilə işgüzar münasibətlərin qurulması üçün imkanları öyrənmək məqsədilə Azərbaycanda səfərdə olublar.  Bu, cari ilin dekabrında Apennin yarımadasından biznesmenlərin ikinci görüşüdür.

Sisiliya şirkətlərinin nümayəndələri Azərbaycanda İxracın və İnvestisiyaların Təşviqi Fondunda (AZPROMO) olublar. Onlara ölkənin iqtisadi potensialı və investisiya imkanları barədə məlumat verilib. 

“Eurocoop Soc. Coop.” şirkətinin direktoru Antonino Zitelli AZPROMO-nun rəhbəri Rüfət Məmmədov ilə görüşündə Bakı şəhərinin abadlaşdırılması işlərinin gedişindən heyranlığını və bu prosesdə iştirak etmək istəyini bildirib. 

Dekabrın  6-da Bakıda Azərbaycan-İtaliya biznes forumu keçirilib.

İqtisadi İnkişaf Nazirliyinin məlumatına görə, İtaliyanın 28 şirkətinin Azərbaycanda nümayəndəliyi  var. İtaliyanın Azərbaycan iqtisadiyyatına investisiyaları $44 mln. təşkil edib. Bunun $33 mln.-u qeyri-neft sektoruna qoyulub. 08D

 

Rəy yaz

İqtisadiyyat

Bizi sosial şəbəkələrdə izləyin

Xəbər lenti