Siyəzən broyler fabrikinə 37 mln manat investisiya qoyulub

“Monolit-D Ltd” firması Siyəzən broyler fabrikində istehsalın müasirləşdirilməsi, bina və qurğuların yaxşılaşdırılması üçün 37 mln manat vəsait qoyub. İnvestisiya proqramında bu məbləğ 16,2 mln manat idi. “Siyəzən-Broyler” ASC-nin inkişafına sərmayələr davam edir, deyə firmanın təmsilçisi Şəfayət Həsənov bildirib.

İnvestisiya proqramının həyata keçirilməsi ötən il başa çatıb, bundan sonra fabrikin səhmlərinin 99,17%-I firmanın mülkiyyətinə keçib. Auditorlar istehsala 29 mln manat investisiya müəyyən edib. İldə 28 mln quşluq inkubatoriya yaradılıb. İlin sonu üçün saatda 8 min baş quş kəsilməsi sexi istifadəyə veriləcək.

Hazırda “Siyəzən-Broyler” ölkədə işçi sayı üzrə ən iri broyler təsərrüfatıdır –1 500 nəfər. Orta əmək haqqı 450 manatdır, deyə baş iqtisadçı Azad Həsənov bildirib.

2005-2006-cı illərdə “Siyəzən-Broyler”in səhmləri Livanın “Ruby Rose Group SARL” şirkətindən alınıb və iş Beynəlxalq Arbitraj Məhkəməsinə kimi gedib. SC-nin İH-nin sədri Oqtay Hüseynovun sözlərinə görə, livanlıların yerli banklara (“Bank of Baku”, “DəmirBank”, “Bank Technique”, “AGBank”, İBAR) yüksək faizlə 5,5 mln manat borcu olub. Həmçinin o dövrdə 1,5 mln manat icbari sığorta haqqı ödənilməyib. Krditor borcu 9 mln manata çatıb. Buna görə SC-nin 1 iyun 2014-cü il üçün 4 mln 226 min manat borcu olub. Fabrikdə qeyd edirlər ki, istehsal rentabelli deyil: 2013-cü ildə ziyan 1 mln 110 min manat olub. “Siyəzən-Broyler”in nizamnamə kapitalı 16 737 252 manatdır. Onun səhmlərinin 99,17%-i almaq üçün “Monolit-D Ltd” firması dövlət büdcəsinə 2,4 mln manat ödəyib.

Maraqlıdır ki, “Ruby Rose Group SARL” şirkəti 0,67% (28 314 ədəd) səhmlə 77 səhmdar sırasında qalır. 08B