SOCAR-ın rəhbər işçilərinin üzərinə nənə-babalarının aktivləri haqqında hesabat vermək öhdəliyi qoyublar

Dünən prezident İlham Əliyev “Azərbaycan Dövlət Neft Şirkətinin Nizamnaməsi”nə dəyişikliklər edilməsi haqqında fərman imzalayıb. Dəyişikliklərə əsasən, SOCAR dövlət Neft Şirkətinin prezidenti yanında fəaliyyət göstərən Şura müşavirə qurumundan kollegial idarəetmə orqanına çevrilir. SOCAR prezidenti yanında Şuraya vitse-prezidentlər, həmçinin digər vəzifəli şəxslər daxil olacaq. Bu zaman Şuranın iclasları Dövlət Neft Şirkəti prezidentinin sədrliyi ilə keçiriləcək. Bundan başqa, nizamnaməyə edilmiş dəyişikliklərə əsasən, SOCAR Şurasının üzvləri, Şirkət strukturuna daxil olan qurumların rəhbərləri kollegial orqana onların birbaşa və ya dolayısı ilə iştirak etdiyi hüquqi şəxslərin bağladığı əqdlərlə bağlı yazılı məlumat verməlidirlər. Sözügedən şəxslərin yaxın qohumlarının - ərinin (arvadının), valideynlərinin, o cümlədən ərinin (arvadının) valideynlərinin, babalarının və nənələrinin, övladlarının, övladlığa götürənlərinin və ya götürülənlərinin, qardaşlarının və bacılarının) bağladığı əqdlər haqqında da Şuraya yazılı məlumat verilməlidir. -06D-