Aşdod şəhərinin 15 km. qərbində “Yam-3” yatağında neft ehtiyatları 120 mln. barel həcmində dəyərləndirilir. SOCAR Dövlət Şirkətinə məxsus Caspian Driling Company mütəxəssislərinin rəyi belədir. Bu barədə sentyabrın 8-də İsrailin Shemen Oil & Gas Resources şirkəti (layihədə 79,2% paya malik) bildirib. Şirkətin iri səhm paketləri əslən Gürcüstandan olan Avraam Nanikaşviliyə məxsusdur.
İzrus-un məlumatına görə, 5175 m. dərinliyində yerləşən neft yüksək keyfiyyəti ilə seçilir. Qazma davam edir və hazırda quyunun dərinliyi 5700 metrə çatıb.
Caspian Drilling Company “Yam-3”ün qazılma prosesində bəzi geofiziki araşdırmalar aparıb.
Xatırladaq ki, SOCAR mütəxəssisləri birinci il deyil ki, İsraildə Aralıq dənizində perspektiv strukturlarda neft axtarışı ilə məşğul olurlar. Azərbaycan neftçilərinin dəniz yataqlarında neft axtarışı və hasilatı üzrə unikal təcrübəsindən dünyanın bir çox regionunda istifadə olunur. -02D-
İqtisadiyyat
-
Azərbaycan Nazirlər Kabineti sentyabrın 3-də ölkə üzrə dəmir yolu şəbəkəsində yükdaşımanın səmərəliliyini artırmağa yönəlmiş yeni qaydaları təsdiqləyib. Bu qərar, dövlətə məxsus “Azərbaycan Dəmir Yolları” Qapalı Səhmdar Cəmiyyətinin fəaliyyətinin yaxşılaşdırılması məqsədilə 2015-ci ildə imzalanmış prezident fərmanının bir hissəsidir.
-
Sentyabrın 3-də Azərbaycan Respublikası Nazirlər Kabineti ölkənin Vergi Məcəlləsinə edilən son dəyişikliklərə uyğun olaraq, idxal zamanı əlavə dəyər vergisindən (ƏDV) azad edilən lizinq müqavilələrinin obyekti olan əsas vəsaitlərin yeni siyahısını təsdiqlədi.
-
Azərbaycan Respublikasının Nazirlər Kabineti, metal tullantıları və atıqlarla bağlı tarifləri yenidən nəzərdən keçirmək məqsədilə gömrük rüsumları qaydalarında bir sıra dəyişikliklər elan edib. Dəyişikliklər, son prezident fərmanının icrası çərçivəsində həyata keçirilir və 60 gündən sonra qüvvəyə minəcək.
-
Aqrar Subsidiya Şurası yeni növ subsidiyaların veriləcəyini elan edib. Qurumun qərarına əsasən, gələn ildən müasir suvarma sistemləri tətbiq edilən əkin sahələrinə görə 60 manat əlavə əkin subsidiyası veriləcək. Bildirilir ki, təkrar əkinlərə görə subsidiya 2025-ci ildən etibarən yalnız suvarılan ərazilərdə aparılan əkinlərə şamil olunacaq.
Rəy yaz