Sosial şəbəkələrdə Socar Turkey Enerjinin (SOCAR-ın törəməsi) Türkiyənin Petkim Petrokimya Holding neft-kimya holdinqindəki 2,75% payını adı çəkilməyən investisiya fonduna satması və ya satmağa hazırlaşması barədə ziddiyyətli informasiyalar yayılıb.
"Bu, bir ticarət əməliyyatı olmaqla, bir neçə il bundan əvvəl daha ucuz qiymətə alınmış hissə sənədlərinin - səhmlərin satışı prosesidir. İndi həyata keçirilmiş bu satış hər bir səhm üzrə təxminən 2,5 dəfə artıq dəyərlə satılaraq ciddi bir mənfəət əldə etməyə imkan yaradıb. Neft şirkəti satışdan əldə olunan vəsaitin digər investisiya məqsədləri üçün istifadə ediləcəyini, bununla bağlı planlama aparıldığını xəbər verib. Bu satış "Petkim"in səhmlərinin nəzarət paketinin miqdarına təsir etmir və SOCAR bundan sonra da "Petkim"i effektiv idarə etməkdə davam edəcək” - deyə buna qədər Petkim-də 61,3% səhmi olan (qalan 38,68 % İstanbul Fond Birjasında sərbəst dövriyyədədir) Socar Turkey Enerji-də bildiriblər.
Əqdin məbləği açıqlanmır. SOCAR, Socar Turkey Enerji və Petkim-in saytında bu barədə heç bir informasiya yoxdur.
SOCAR Turkey Enerji 2006-cı ilin sonunda neft emalı, neft-kimya və Türkiyədə qaz satışı üzrə investisiya layihələrinin həyata keçirilməsi üçün yaradılıb.
2015-ci ilin avqustunda Amerikanın Goldman Sachs International bankı (GSI) SOCAR Turkiye Enerji-də $1,3 mlrd-a 13% səhm alaraq şirkətin səhmdarı olub.
Petkim illik hesabatına əsasən, 2015-ci ildə holdinqin mənfəəti 14% artaraq 639,2 milyon türk lirəsi olub. Bu dövrdə Petkim-in aktivləri 44,2% artaraq 5,46 mlrd türk lirəsi təşkil edib.—0--
İqtisadiyyat
-
Azərbaycanın iqtisadiyyatı gələn illərdə də artımını davam etdirəcək, lakin ING Qrupu və Birləşmiş Millətlər Təşkilatının (BMT) proqnozları bərpa sürətinə dair bir qədər fərqli baxışlar təqdim edir. Niderlandın ən böyük bank qurumu olan ING Qrupu, Azərbaycanın Ümumi Daxili Məhsulunun (ÜDM) müsbət artımını proqnozlaşdırır, BMT isə daha optimist bir görünüş təklif edir.
-
Azərbaycanda taksi minik avtomobillərinin orta yaşı 15-dən 7-yə düşüb. Bu barədə Azərbaycan Yerüstü Nəqliyyat Agentliyinin (AYNA) yaydığı məlumatda bildirilir. Agentlik bunu "islahatların nəticəsi" kimi dəyərləndirib.
-
Qazaxıstan, İrana və Azərbaycana taxıl ixracını bərpa etməklə beynəlxalq taxıl bazarlarında mövqeyini möhkəmləndirib. Bu barədə ölkənin Kənd Təsərrüfatı Nazirliyi məlumat yayıb.
-
Son illərdə Azərbaycan səssizcə dinamik bir startap ekosistemi formalaşdırıb və bu ekosistem artıq beynəlxalq səviyyədə maraq doğurmağa başlayıb. Rəqəmsal təhsil platformalarından aqrotexnologiya sahəsindəki innovasiyalara qədər bu startaplar ölkənin texnologiya və sahibkarlığa artan marağını əks etdirir. Dövlət dəstəyi, beynəlxalq əməkdaşlıq və cəsarətli sahibkarlıq vizyonunun birləşməsi bir neçə Azərbaycan startapını qlobal səhnəyə çıxarıb.
Rəy yaz