Bu gün SOCAR-Polimer şirkəti və Maire Tecnimont S.p.A şirkətlər qrupu (İtaliya) Sumqayıtda polipropilen zavodunun inşası üzrə layihələndirmə və tikintiyə dair müqavilə (Engineering, Procurement and Construction, EPC) imzalayıblar.
Zavodun inşasını İtaliyanın Tecnimont SpA və Kinetics Technology S.p.A (KT) (Maire Tecnimont S.p.A şirkətlər qrupuna daxildir) şirkətləri həyata keçirəcəklər. Müqavilənin ümumi dəyəri 350 mln. avro təşkil edir.
Zavodun gücü ildə 180 min tona yaxın propilen olacaq. Bu, Azərbaycanda propilen buraxılışı üzrə ilk zavod olacaq. Xammal kimi müəssisədə nafta krekinqi nəticəsində alınan propilendən istifadə olunacaq.
SOCAR-Polimer şirkətinin baş direktoru Emil Eminov jurnalistlərlə söhbətində bildirib ki, zavodun inşasına bu il yayın sonlarında başlanılacaq və qrafikə uyğun olaraq 2017-ci ilin sonunda başa çatdırılacaq. Hazır məhsulun 70%-nin ixraca göndərilməsi, qalanının isə yerli bazara çıxarılması planlaşdırılır. Sumqayıtda kimya-sənaye parkında, texnoparkda polipropilendən daxili bazarın ehtiyaclarını ödəmək üçün müxtəlif məhsulların istehsalı nəzərdə tutulur.
Maire Tecnimont S.p.A. şirkətlər qrupu inşaat, texnologiyaların hazırlanması, lisenziyalaşdırma, energetika və karbohidrogenlərin (neft-qaz sektoru, neft-kimya və gübrə istehsalı) sənaye istehsalı üzrə ixtisaslaşmış birgə müəssisələrin yaradılması sahəsində aparıcı dünya şirkətidir.
Şikətlər qrupu Milan Fond Birjasının reyestrinə daxil edilib. Dünyanın 30-dan çox ölkəsində nümayəndəliyi var, 45-dən çox şirkətə nəzarət edir, 4500-ə yaxın işçisi var.
SOCAR-Polimer SOCAR (Azərbaycan Dövlət Neft Şirkəti) tərəfindən təsis edilib. Nizamnamə kapitalı $100 mln. manata bərabərdir. Müəssisənin 51% səhmi SOCAR-a, qalan 49%-i yerli şirkətlərə (Pasha Holding, Gilan Holding və Azersun Holding) məxsusdur.12
İqtisadiyyat
-
Rəqəmsal İnkişaf və Kommunikasiya Texnologiyaları Agentliyi (RİKT) internet provayderləri (İSP) və telekommunikasiya operatorları ilə görüş keçirərək, ölkədə internet sürətinin düzgün ölçülməsi və Azərbaycanın beynəlxalq genişzolaqlı internet reytinqlərində mövqeyinin yaxşılaşdırılması məsələlərini müzakirə edib.
-
Bolqarıstan Azərbaycanı enerji sektorunda əsas strateji tərəfdaşı hesab edir. Ölkə qaz tədarükünün şaxələndirilməsində və regional enerji təhlükəsizliyinin gücləndirilməsində mühüm rol oynayır, Bolqarıstanın yeni təyin olunmuş energetika naziri Jeço Stankov Azərbaycanın nümayəndə heyəti ilə görüşdə bildirib.
-
Azərbaycan Dövlət Neft Şirkətinin (SOCAR) prezidenti Rövşən Nəcəf 6 fevralda Crescent Petroleum şirkətinin baş direktoru Macid Cəfər ilə enerji sektorunda əməkdaşlıq perspektivlərini müzakirə etmək üçün görüş keçirib. Görüş hər iki şirkət arasında əlaqələrin möhkəmləndirilməsi istiqamətində mühüm addım olub və tərəflər öz fəaliyyətləri barədə fikir mübadiləsi apararaq qarşılıqlı maraq doğuran imkanları qiymətləndiriblər.
-
Azərbaycan Dövlət Neft Şirkətinin (SOCAR) prezidenti Rövşən Nəcəf 6 fevralda Sloveniyanın enerji şirkəti Petrol dd-nin İdarə Heyətinin sədri Sašo Berger və Geoplin doo-nun baş direktoru Simon Urbanc ilə görüşüb. Görüşdə Azərbaycan və Sloveniya arasında təbii qaz sektorunda əməkdaşlığın genişlənməsi vurğulanıb.
Rəy yaz