Socar Turkey Enerji Petkimdə işdən çıxarılanlar barədə rəqəmləri dəqiqləşdirir

   SOCAR-ın Türkiyə törəməsi  Socar Turkey Enerji KİV-də Türkiyənin ən böyük neft-kimya şirkəti olan “Petkim”də həbslər və çoxsaylı işdən çıxarmalar barədə yayılan informasiyalara reaksiya verib.

“Petkim”in əsa səhm paketinin sahibi olan Socar Turkey Enerji 27 nəfərin işdən çıxarıldığını bildirir. Eləcə də SocarTurkeyEnerjinin 4 əməkdaşı işdən azad edilib.

SocarTurkeyEnerjinin Direktorlar Şurasının sədri Vaqif Əliyev əminlik bildirib ki, Türkiyə bu situasiyadan daha güclü çıxacaq:  «Bütün enerjimizlə buradyıq və investisiyaların davam etməsi barədə məlumat vermək istərdik».

 Məlumat verildiyi kimi, İstanbulda “Petkim” neft-kimya şirkətinin rəhbəri Sadəddin Qorqud həbs olunub. Bir müddətdir ki, bu şirkətin nəzarət- səhm paketi Azərbaycana, dəqiq desək SOCAR Dövlət Neft Şirkətinə məxsusdur.

“Anadolu” agentliyi bildirib ki, S.Qorqud və şirkətin bir qrup əməkdaşı Fətullah Gülənin  “Hizmət” təşkilatı ilə əlaqələrdə ittiham olunur.

“Petkim” ev və ofislərində axtarışlar aparılıb, sənədlər götürülüb. Məsuliyyətə cəlb olunan neft-kimya və energetika kompleksi əməkdaşlarının ümumi sayı 200 nəfərdir. Onlar da “Hizmət” ilə əlaqələrdə ittiham olunurlar.

Öz növbəsində SOCAR bildirib ki, bu gün Anar Məmmədov “Petkim” şirkətinin yeni baş direktoru təyin edilib. O, əvvəllər Yunanıstanda SOCAR Trading bölümünə rəhbərlik edib.