Azərbaycan Dövlət Neft Şirkətinin (SOCAR) Ukraynadakı törəmə qurumu “SOCAR Energy Ukraine” mayeləşdirilmiş qazın topdan və pərakəndə satışını həyata keçirmək üçün yeni şirkəti qeydiyyatdan keçirib, deyə Ukrayna KİV-I məlumat verir.
"SOCAR LPG” MMC adlı şirkət Çerkasıda qeydiyyatdan keçib. “SOCAR LPG”nin təsisçiləri rolunda Qalitsk Yanacaq Şirkəti və “SOCAR Ukraine” çıxış edir.
Şirkətə Yekaterina Tamrazova rəhbər təyin olunub. O bildirib ki, yeni qurumun yaradılması SOCAR-ın Ukrayna nümayəndəliyinin strukturunda təbii qaz istiqamətinin gücləndirilməsi ilə əlaqədardır.
Yeni şirkət “Ukrqazdobıça”nın avqustun 4-də keçirdiyi sonuncu hərracda debüt edib. Hərracda SOCAR 42 ton mayeləşdirilmiş qaz alıb. SOCAR-ın Ukrayna nümayəndəliyi 2008-ci ildə yaradılıb. Şirkətin Ukraynada 57 YDM-i var.–12D--
İqtisadiyyat
-
Dövlət Statistika Komitəsinin son məlumatlarına görə, 2024-cü il dekabrın 1-nə olan vəziyyətə əsasən, Azərbaycanda muzdlu işçilərin ümumi sayı 1,775 milyon nəfər təşkil edib ki, bunun 884,400 nəfəri dövlət sektorunda, 890,900 nəfəri isə qeyri-dövlət sektorunda çalışır. Bu göstərici yeddi il əvvəl hökumətin qarşıya qoyduğu iddialı hədəflərdən xeyli aşağıdır və xüsusilə gənclər arasında məşğulluq imkanları ilə bağlı narahatlıqları artırır.
-
Azərbaycan Respublikasının hüquqi və fiziki şəxsləri 2024-cü ilin yanvar-noyabr aylarında dünyanın 176 ölkəsindəki tərəfdaşlarla ticarət əməliyyatları həyata keçirib, 120 ölkəyə məhsul ixrac edib, 167 ölkədən isə idxal edib. Bu barədə Dövlət Gömrük Komitəsi məlumat yayıb.
-
Pərakəndə ticarət dövriyyəsi 2024-cü ildə real ifadədə 3,9% artaraq 62,2 milyard manata çatıb, Dövlət Statistika Komitəsinin məlumatı göstərir. Ərzaq məhsulları, içkilər və tütün məmulatları 34,1 milyard manat, qeyri-ərzaq malları isə ümumi məbləğin 28,1 milyard manatını təşkil edib.
-
Azərbaycanda Avropada, Yaxın Şərqdə və Afrikada ayaq və ağız xəstəliyi və yüksək patogen quş qripi epidemiyalarının yayılması ilə əlaqədar olaraq, bəzi bölgələrdən iri buynuzlu heyvanların, quşların və onlarla əlaqəli məhsulların idxalı müvəqqəti olaraq dayandırılıb. Bu barədə ölkənin Qida Təhlükəsizliyi Agentliyi (AQTA) məlumat yayıb.
Rəy yaz