Sosial sığorta ödəyənlərin sayı artır

Aprelin 1-i üçün Azərbaycanda 3 mln 41,81 min nəfər sosial sığorta üzrə fərdi hesablara malikdir (1 yanvara nisbətən +2,2%).

Dövlət Sosial Müdafiə Fondunun (DSMF) məlumatında deyilir ki, 2015-ci ilin yanvar-mart aylarında 22,710 min nəfərdən artıq şəxs üçün fərdi hesab açılıb.

Sığortaolunanların 59,1%-i kişi, 40,9%-i isə qadındır. Fərdi şəxsi hesabı olanlar arasında 30-40 yaş aralığında olan sığortaolunanlar üstünlük təşkil edir. Göstərilən yaş kateqoriyalarına aid olan şəxslər ümumi sığortaolunanların 24,71%-ni əhatə edir. Fərdi uçot sistemində qeydiyyatda olan sığortaolunanların 21,74%-ni 30-40 yaş aralığında olan vətəndaşlar, 20,84%-ni 40-50 yaş aralığında olan vətəndaşlar, 21,2%-ni 50-60 yaş aralığında olan vətəndaşlar, 11,51%-ni 60 yaşdan yuxarı olan vətəndaşlar təşkil edir.

Xəbər verildiyi kimi, Azərbaycan 2006-cı il yanvarın 1-dən pensiya sistemində islahatlar aparıb və fərdi sosial sığorta uçotuna keçib. Bunun əsasında icbari sosial sığorta haqqı ödəyən hər bir şəxs üçün fərdi hesab açılır. Burada onun icbari sosial sığorta üçün ödədiyi haqlar toplanır.  --17D—