Azərbaycanda 28 893 vətəndaş rəsmi işsiz statusu alıb. İlin əvvəli ilə müqayisədə «statuslu» işsizlərin sayı 21% azalıb, deyə Dövlətstatkom bildirir.
Rəsmi işsiz statusu alanların əsas hissəsi bakıda yaşayır –11,2 min nəfər. Naxçıvan iqtisadi rayonunda belə status yoxdur.
Əmək və Əhalinin Sosial Müdafiəsi Nazirliyi bu ilin on ayında respublikanın 53 şəhər və rayonunda əmək yarmarkaları keçirib və yarmarkalarda ümumilikdə 1961 müəssisə tərəfindən 16781 boş yer təklif edilib. Bu tədbirlər nəticəsində 4 833 nəfər işsiz və işaxtaran vətəndaşa boş iş yerlərinə göndəriş verilib. Növbəti belə yarmarka bu gün Sumqayıtda keçirilir.
Bu il noyabrın 1-i üçün işsizlik müavinəti (orta hesabla 268,3 manat) 1417 nəfərə verilir. Bu, ilin əvvəlindəkindən 2,2 dəfə çoxdur.
Beynəlxalq Əmək Təşkilatının metodologiyasına görə, Azərbaycanda 238,5 min nəfər işsiz sayılır. İqtisadi aktiv əhalinin sayı isə 4 mln 828,3 min nəfərdir. Bir çox işsizlər Əmək və Əhalinin Sosial Müdafiəsi Nazirliyinə müraciət etmir, çünki inanmırlar. Qanunvericiliyə zidd olaraq, bir çox işəgötürənlər vakant iş yerləri barədə məlumat vermir. Məlumat bazasında olan işlər isə peşə hazırlığı tələb etmir və ona görə əmək haqqı az verilir. 08D
İqtisadiyyat
-
Yüzlərlə yük maşını Qazaxıstanın Kurık limanında ilişərək Azərbaycana bərə ilə keçmək üçün bir neçə gün gözləyir, lada.kz portalı xəbər verir. Bu durğunluq bərələrin azlığı, əlverişsiz hava şəraiti və Rusiyaya qarşı sanksiyaların genişlənməsi səbəbindən marşrutların dəyişdirilməsi ilə əlaqədardır.
-
Müstəqil Sənayeçilər və İş Adamları Dərnəyinin (MÜSİAD) üzvləri son üç il ərzində Azərbaycanın iqtisadiyyatına 61,3 milyon manat sərmayə yatırıb. Bu barədə "MÜSİAD Azərbaycan" İdarə Heyətinin sədri Rəşad Cabirli mətbuat konfransında bildirib.
-
Qlobal iqtisadiyyat davamlı problemlərlə üzləşdiyi bir vaxtda, Çin ilə Azərbaycan arasındakı ticarət azalma tendensiyalarını üstələyərək əhəmiyyətli artım nümayiş etdirib. Azərbaycanın rəsmi statistikasına əsasən, 2023-cü ildə iki ölkə arasındakı ticarət dövriyyəsi 3,1 milyard ABŞ dollarına çatıb. Yalnız 2024-cü ilin ilk on ayında ticarət həcmi illik hesablamada 17,1% artaraq 3,02 milyard ABŞ dollarına yüksəlib və illik ticarət göstəricisinin rekord səviyyəyə çatacağı gözlənilir.
-
Alman-Azərbaycan Ticarət Palatası (AHK Azərbaycan) 18 dekabr 2024-cü ildə Bakıda ikiillik Üzvlərin Ümumi Yığıncağını keçirdi. Tədbirdə Palatanın nailiyyətlərini müzakirə etmək və gələcək planları müəyyənləşdirmək üçün 80-dən çox biznes nümayəndəsi bir araya gəldi.
Rəy yaz