Supermarketlər əlavə dəyər vergisindən (ƏDV) azad edilməyəcək.
Vergilər naziri Fazil Məmmədov ticarət şəbəkələrinin (supermarket) əlavə dəyər vergisi (ƏDV) üzrə vergi güzəştləri ilə bağlı təkliflərinə münasibət bildirib. Nazir deyib ki, kənd təsərrüfatı məhsullarının 98%-i bazarlarda satılır. Bazarlarda isə nə ƏDV var, nə də sadələşdirilmiş vergi.
Xatırladaq ki, aprelin 19-da iqtisadiyyat naziri şahin Mustafayev ARAZ, Neptun, Bolmart Bizim Market, FRESCO, SEBET, Makromart mağazalarının nümayəndələrini qəbul etmişdi. Onlar şikayət edib ki, ştatları saxlaya bilmirlər və xahiş ediblər ki, qiymətlər saxlanmaqla «sosial» çeşidlərə- süd, un məmulatı, yumurta, düyü, ət, balıq, yağ, meyvə, tərəvəz və uşaq yeməyi - vergi güzəşti edilsin.
Ekspertlər təklif etdi ki, əlavə xərclər və topdansatış zənciri azaldılsın. Bu, rentabelliliyi artıra bilər. Xatırladaq ki, dekabr devalvasiyasından sonra mağazalarda qiymətlər 40% bahalanıb. İdxal malları ilə yanaşı, yerli məhsulların da qiymətləri qalxıb. Bazarda payı çeşidlərin 60%-i olan «Azersun Holding» ASC də qiymətləri bahalandırıb. --17D—
İqtisadiyyat
-
Rəqəmsal İnkişaf və Kommunikasiya Texnologiyaları Agentliyi (RİKT) internet provayderləri (İSP) və telekommunikasiya operatorları ilə görüş keçirərək, ölkədə internet sürətinin düzgün ölçülməsi və Azərbaycanın beynəlxalq genişzolaqlı internet reytinqlərində mövqeyinin yaxşılaşdırılması məsələlərini müzakirə edib.
-
Bolqarıstan Azərbaycanı enerji sektorunda əsas strateji tərəfdaşı hesab edir. Ölkə qaz tədarükünün şaxələndirilməsində və regional enerji təhlükəsizliyinin gücləndirilməsində mühüm rol oynayır, Bolqarıstanın yeni təyin olunmuş energetika naziri Jeço Stankov Azərbaycanın nümayəndə heyəti ilə görüşdə bildirib.
-
Azərbaycan Dövlət Neft Şirkətinin (SOCAR) prezidenti Rövşən Nəcəf 6 fevralda Crescent Petroleum şirkətinin baş direktoru Macid Cəfər ilə enerji sektorunda əməkdaşlıq perspektivlərini müzakirə etmək üçün görüş keçirib. Görüş hər iki şirkət arasında əlaqələrin möhkəmləndirilməsi istiqamətində mühüm addım olub və tərəflər öz fəaliyyətləri barədə fikir mübadiləsi apararaq qarşılıqlı maraq doğuran imkanları qiymətləndiriblər.
-
Azərbaycan Dövlət Neft Şirkətinin (SOCAR) prezidenti Rövşən Nəcəf 6 fevralda Sloveniyanın enerji şirkəti Petrol dd-nin İdarə Heyətinin sədri Sašo Berger və Geoplin doo-nun baş direktoru Simon Urbanc ilə görüşüb. Görüşdə Azərbaycan və Sloveniya arasında təbii qaz sektorunda əməkdaşlığın genişlənməsi vurğulanıb.
Rəy yaz