![TAP boru kəmərinin Albaniya hissəsində tikintiyə başlayıb](https://turan.az/resized/./turan-750-500-resize.webp)
TAP boru kəmərinin Albaniya hissəsində tikintiyə başlayıb
Trans-Adriatik Boru Kəmərinin (TAP) tikintisi üzrə konsorsium sentyabrın 30-da Albaniya hissəsində tikinti işlərinə başlayıb.
«Bu münasibətlə Fier şəhəri yaxınlığında Albaniyanın baş naziri Edi Rama, energetika və sənaye naziri Damian Qjiknuri və TAP-ın icraçı direktoru Yan Bredşounun iştirakı ilə mərasim keçirilib”, - deyə press-relizdə bildirilir.
Edi Rama və Damian Qjiknuri Albaniya üçün layihənin əhəmiyyətini vurğulayıblar. Onlar “Ölkənin ən böyük xarici investisiyalarından biri olaraq TAP-ın ölkənin enerji sektoruna müsbət təsiri olacaq və digər xarici investisiyaların da cəlbinə kömək edəcək”, deyə qeyd ediblər.
Boru kəmərinin ümumi uzunluğu 878 km-dir ki, bunun da 550 km-i Yunanıstan ərazisini, 215 km-i Albaniyanı, 105 km-i Adriatik dənizini, 8 km-i isə Cənubi İtaliyanı əhatə edəcək.
Cənub Qaz Dəhlizi layihəsinin bir hissəsi olan TAP kəməri ilə "Şahdəniz-2" layihəsi çərçivəsində hasil olunan qazın Avropaya nəqli nəzərdə tutulur.
TAP-ın səhmdarları bunlardır: BP (20%), SOCAR (20%), "Snam S.p.A." (20%), "Fluxys (19%), Enagás (16%) və Axpo (5%). –12D--
-
- İqtisadiyyat
- 3 Oktyabr 2016 11:21
İqtisadiyyat
-
İqtisadiyyat Nazirliyində yerli istehsalın stimullaşdırılması və ixrac potensialının genişləndirilməsi yollarının araşdırılması məqsədilə iyulun 26-da qeyri-neft sənayesi sahibkarları ilə görüş keçirilib.
-
Azərbaycanın internet provayderləri “Aztelekom” və “Baktelekom” avqustun 15-də qiymət strukturunda böyük dəyişikliklər edəcək. Yeni tariflərə əsasən, minimum internet sürəti 100 Mbit/s-dək artacaq, Mbit/s-nin qiyməti 0,45 AZN-dən 0,25 AZN-ə enəcək. Müvafiq olaraq, ödəniş 100 Mbit/s üçün 25 AZN, 150 Mbit/s üçün 30 AZN, 250 Mbit/s üçün 36 AZN-ə uyğunlaşdırılacaq.
-
Müstəqil ekspertlər Azərbaycanın ticarət dövriyyəsinin və ödəniş profisitinin azalması səbəbindən öz valyutası manatın növbəti devalvasiyası ərəfəsində ola biləcəyini ehtimal edirlər. Gözlənilən iqtisadi düzəlişlər valyuta axınının azalması və neft hasilatının azalması fonunda baş verir.
-
Azərbaycanın Xarici İşlər Naziri Ceyhun Bayramov bu gün Azərbaycan Xarici İşlər Nazirliyində Somalinin Xarici İşlər və Beynəlxalq Əməkdaşlıq Naziri Əhməd Moallim Figi ilə görüşüb. Bu görüş, əvvəlki gün Figi ilə Azərbaycanın İqtisadiyyat Naziri Mikail Cabbarov arasında keçirilmiş müzakirələrdən sonra baş tutub.
Rəy yaz