![«Tik, idarə et, təhvil ver» prinsipi ilə tikintiyə investisiyalar dövlət rüsumundan azad edilib](https://turan.az/resized/750/500/resize/media/2016/main/101400171781.jpg)
- İqtisadiyyat
- 14 Oktyabr 2016, 18:06
- 76
«Tik, idarə et, təhvil ver» prinsipi ilə tikintiyə investisiyalar dövlət rüsumundan azad edilib
Milli Məclis bugünkü iclasında «Tik, idarə et, təhvil ver» prinsipi ilə tikintiyə investisiyalar dövlət rüsumundan azad edib.
MM-in iqtisadi siyasət komitəsinin sədri Ziyad Səmədzadənin sözlərinə görə, bu yenilik “Dövlət rüsumu haqqında” Qanununda təklif olunan dəyişiklikdə nəzərdə tutulub.
Qərar prezidentin 21 aprel tarixli «Tikinti və infrastruktur obyektləri ilə əlaqədar investisiya layihələrinin xüsusi maliyyələşmə əsasında həyata keçirilməsi haqqında Azərbaycan Respublikasının Qanunu”nun tətbiqi haqqında fərmanına əsaslanır.
Belə maliyyələşmə modeli körpü, tunel, su anbarı, kanalizasiya sistemi, konfrans mərkəzi, ali məktəb, mədəniyyət, səhiyyə, turizm obyekti, kommersiya təyinatlı binalar, topdansatış bazarları, fabriklər, idman mərkəzləri, yataqxanalar, istirahət və əyləncə parkları; sənaye parkları, yüksək texnologiya parkları, aqroparklar, yüksək texnologiyalara əsaslanan avtomatlaşdırılmış idarəetmə sistemləri və informasiya texnologiyaları sahəsində digər sistemlər; kənd təsərrüfatı məhsullarının tədarük anbarları və bu tipli digər obyektlər; geotermik və tullantıların istilikyaratma qabiliyyəti əsasında işləyən obyektlər və qızdırıcı sistemlər, elektrik enerjisinin istehsalı, ötürülməsi, paylanması və satışı ilə məşğul olan müəssisələr və s əhatə edir.
Fərmana əsasən, bu model əsasında müqavilələri bağlamaq, obyektlərin qəbulu və istismara verilməsi səlahiyyəti İqtisadiyyat Nazirliyinə verilib. --17D—
-
- İqtisadiyyat
- 14 Oktyabr 2016 18:00
İqtisadiyyat
-
İqtisadiyyat Nazirliyində yerli istehsalın stimullaşdırılması və ixrac potensialının genişləndirilməsi yollarının araşdırılması məqsədilə iyulun 26-da qeyri-neft sənayesi sahibkarları ilə görüş keçirilib.
-
Azərbaycanın internet provayderləri “Aztelekom” və “Baktelekom” avqustun 15-də qiymət strukturunda böyük dəyişikliklər edəcək. Yeni tariflərə əsasən, minimum internet sürəti 100 Mbit/s-dək artacaq, Mbit/s-nin qiyməti 0,45 AZN-dən 0,25 AZN-ə enəcək. Müvafiq olaraq, ödəniş 100 Mbit/s üçün 25 AZN, 150 Mbit/s üçün 30 AZN, 250 Mbit/s üçün 36 AZN-ə uyğunlaşdırılacaq.
-
Müstəqil ekspertlər Azərbaycanın ticarət dövriyyəsinin və ödəniş profisitinin azalması səbəbindən öz valyutası manatın növbəti devalvasiyası ərəfəsində ola biləcəyini ehtimal edirlər. Gözlənilən iqtisadi düzəlişlər valyuta axınının azalması və neft hasilatının azalması fonunda baş verir.
-
Azərbaycanın Xarici İşlər Naziri Ceyhun Bayramov bu gün Azərbaycan Xarici İşlər Nazirliyində Somalinin Xarici İşlər və Beynəlxalq Əməkdaşlıq Naziri Əhməd Moallim Figi ilə görüşüb. Bu görüş, əvvəlki gün Figi ilə Azərbaycanın İqtisadiyyat Naziri Mikail Cabbarov arasında keçirilmiş müzakirələrdən sonra baş tutub.
Rəy yaz