Fransanın Total şirkəti “Abşeron” yatağında seysmik tədqiqat aparmağa hazırlaşır. Bu barədə ARDNŞ birinci vitse-prezidenti Xoşbəxt Yusifzadə məlumat verib.
Onun sözlərinə görə, bu, hasilat platforması qurulacaq yeri müəyyən etmək üçün lazımdır.
“Abşeron” yatağında qazma işləri yeni qazma qurğusu tikiləndən sonra bərpa ediləcək. Çünki Azərbaycanda hazırda boş üzən qazma qurğusu yoxdur.
“Abşeron” yatağının kəşfiyyatı və işlənməsinin operatoru olan Total bu ilin iyulunda burada iri qaz yatağı olduğunu təsdiqləyib: ilk kəşfiyyat quyusunun nəticəsinə görə, yatağın şimalında qaz və kondensat ehtiyatı 150-300 mlrd m3-dir.
ARDNŞ ilə Fransa Total-ı “Abşeron” perspektiv bloku üzrə PSA-sazişi 27 fevral 2009-cu ildə imzalayıb. Total 40%, ARDNŞ 40%, Gaz de France SUEZ (GDF/SUEZ) 20% paya malikdir.
Total E&P Absheron şirkəti 3 il çəkən kəşfiyyat müddətində və işçi planın təsdiqinə qədər bütün xərcləri çəkəcək. --0—
İqtisadiyyat
-
Türkiyənin Aksa Doğalgaz şirkəti, Kazancı Holdinqin bir hissəsi olaraq, Bursagaz və Kayserigaz qazpaylayıcı şirkətlərini almaq üzrə müqavilə prosesinin tamamlandığını elan edib. Bu şirkətlər 2019-cu ildən etibarən SOCAR Türkiye Energy AS-in (STEAS) tərkibində fəaliyyət göstərirdi, deyə Aksa Doğalgaz məlumat verib.
-
Nazirlər Kabineti, ölkənin milli kimliyini və mədəni dəyərlərini əks etdirən yaradıcı əsərləri təşviq etmək məqsədilə dövlət sifarişi ilə istehsal edilən filmlərin müəllifləri üçün minimum qonorar məbləğlərini müəyyən edən yeni qaydalar qəbul edib.
-
Azərbaycana çayın idxalı artıb. Dövlət Gömrük Komitəsinin məlumatına görə, 2024-cü ilin yanvar-noyabrında çay idxalı əvvəlki ilin eyni dövrü ilə müqayisədə həcmcə 3. 3 faiz artaraq 12 min 893 ton, dəyər baxımından isə 4.5 faiz yüksələrək 67 milyon 715 min ABŞ dolları təşkil edib.
-
"Azərbaycan Dəmir Yolları" QSC (ADY) 2024-cü ildə Şimal-Cənub Beynəlxalq Nəqliyyat Dəhlizi (NSTC) vasitəsilə tranzit yüklərin həcmini ötən ilə nisbətən 28% artıraraq 814 min tona çatdırdığını bildirdi. Bu artım, Şimali Avropa və Rusiyanı Hind okeanı ilə birləşdirən dəhlizin strateji potensialını üzə çıxarmaq istiqamətində Azərbaycanın göstərdiyi səyləri vurğulayır.
Rəy yaz