2014-cü ilin I yarısında «İpək Yolu» ilə Azərbaycan ərazisindən tranzit daşımalarının həcmi 6 335,9 min ton olub. Bu, ötən ilin eyni dövründəkindən 15,2% azdır, deyə Dövlətstatkomda Turan-a bildiriblər.
DSK-nın məlumatına görə, daşıyıcıların gəlirləri mütənasib şəkildə azalıb. Altı ayda TRACECA nəqliyyat dəhlizinin Azərbaycan sahəsində yük daşıyıcılarının mədaxili 61 mln 451,5 min manat olub. Bu, ötən ilkindən 15% azdır.
Azərbaycan Bakı-Tbilisi-Qars dəmiryolu xəttinin tikintisi hesabına bu dəhlizlə yük daşımalarını artırmaq istəyir. Dünən Gürcüstan paytaxtında Azərbaycan və Gürcüstanın yüksək rütbəli təmsilçilərinin iştirakı ilə bu layihənin Əlaqələndirmə Şurasının 20-ci iclası keçirilib. Tərəflər KİV-ə bildirib ki, işlər uğurla davam edir və Gürcüstan ərazisində tikinti işlərinin əsas mərhələsi ilin sonu üçün başa çatacaq. Dəmiryolu xətti 2015-ci ildə istismara veriləcək. BTQ-nin TransAvropa və TransAsiya dəmiryolu şəbəkələrinə birləşməsi nəzərdə tutulur. Bu isə yük və sərnişin daşımalarının artmasına səbəb olacaq. 08D
İqtisadiyyat
-
Bakı Beynəlxalq Dəniz Ticarət Limanı, Şərqlə Qərbi birləşdirən Orta Dəhlizin mühüm halqası olaraq, 2024-cü ildə 7,6 milyon ton yük qəbul edib ki, bu da əvvəlki illə müqayisədə 3,2% artım deməkdir. Bu artım limanın qlobal ticarətdə artan rolunu və Çin, Türkiyə, Gürcüstan, İran və Rusiya kimi ölkələr üçün tranzit qovşağı kimi əhəmiyyətini vurğulayır.
-
Azərbaycanın Dövlət Neft Şirkəti (SOCAR) Birləşmiş Ərəb Əmirliklərinin (BƏƏ) Abu Dabi Milli Neft Şirkətindən (ADNOC) şelfdə yerləşən SARB və Umm Lulu konsessiyasındakı 3%-lik payı 285 milyon dollara alıb. Bu, iki ölkə arasında enerji əlaqələrinin dərinləşdirilməsi istiqamətində mühüm addım kimi qiymətləndirilir. Müqavilə 2024-cü ilin may ayında bağlanıb və 2025-ci ilin yanvarında yekunlaşıb.
-
Bakı Kiçik və Orta Biznes (KOB) Evi və Miniboss Biznes Məktəbi uşaqlarda sahibkarlıq bacarıqlarının inkişafına yönəlmiş anlaşma memorandumu imzalayıblar. Bu barədə Kiçik və Orta Biznesin İnkişafı Agentliyi (KOBİA) bazar ertəsi məlumat yayıb.
-
2025-ci ildə Azərbaycanın informasiya təhlükəsizliyi və rəqəmsal infrastrukturu təzyiq altında qalır, çünki ekspertlər Milli İnternet Mübadilə Mərkəzinin (İnternet Exchange Point - IXP) olmamasını vurğulayırlar. Multimediya QHT-nin rəhbəri Osman Gündüz İnformasiya və Kommunikasiya Texnologiyaları Agentliyini (İKTA) əsas provayderlər olan Azertelecom, Delta Telecom, AzTelekom və qlobal sənaye liderləri ilə əməkdaşlıq edərək Milli İnternet Mübadilə Mərkəzinin yaradılmasına rəhbərlik etməyə çağırıb.
Rəy yaz