TŞ 4500-dən çox dərman preparatının tənzimlənməsi üçün qərarlar qəbul etməyə hazırlaşır

Tarif Şurasının sədri, iqtisadiyyat və sənaye naziri Şahin Mustafayev Şuranın dərman vasitələrinin qiymətlərinin tənzimlənməsi ilə bağlı son qərarından sonra rəsmi dövlət qəzetinin suallarına cavab verib.

Nazir deyib ki, bu, topdan və pərakəndə qiymətlərlə bağlı ilk qərardır. Qərar dövlət qeydiyyatından keçmiş 4500 preparatdan 250-i əhatə edir. Amma müxtəlif dozalar, ticari qablaşdırma, həb sayı və s. ilə bağlı tənzimlənəcək dərman sayı daha çoxdur. Ona görə idxalçılardan müraciət daxil olduqca TŞ-nın yeni qərarları qəbul ediləcək. Mustafayevin sözlərinə görə, ilin sonuna kimi əsas dərman preparatlarının qiymət tənzimlənməsi başa çatacaq.

Nazir yeni qiymətlərin  45 gün ərzində qüvvəyə minməsinə də aydınlıq gətirib. O, qeyd edib ki, yeni qiymətlərin dərmanların üzərinə yerləşdirilməsi xeyli vaxt tələb edir. Yeni qiymətlərin yerləşdirilməsi İSN və Səhiyyə Nazirliyinin birgə müəyyən etdiyi xüsusi qayda ilə həyata keçiriləcək.

Mustafayevin sözlərinə görə, apteklərdə vahid qiymət vətəndaşların dərman xərclərini azaldacaq, nəzarətin artması nəticəsində vergi mədaxili artacaq.

Qeyd edək ki, TŞ dərman preparatlarının təxmini qiymət qiyahısını da dərc edib. Siyahıdan görünür ki, onların çoxu dəfələrlə baha satılıb. 08D