TuranBank kartholderlər üçün uduş aksiyasına başlayır

TuranBankın Maestro və MasterCard kartlarının sahibləri 2013-cü ilin 1-31 oktyabr tarixləri aralığında MasterCard tərəfindən keçirilən "MasterCard-la alış-veriş edib, övladınız üçün qiymətsiz maskot təcrübəsi qazanın və UEFA Çempionlar Liqasının oyununu canlı izləyin!" adlı kampaniya çərçivəsində  stimullaşdırıcı lotereyada iştirak etmək imkanı qazanıblar. Qaliblər  10 dekabr tarixində UEFA Çempionlar Liqası çərçivəsində İstanbulda keçiriləcək "Qalatasaray - "Yuventus" oyununu canlı izləyəcəklər. 

Kampaniya dövründə TuranBankın buraxdığı istənilən MasterCard və ya Maestro kartları vasitəsilə yerli və beynəlxalq alış-veriş zamanı POS terminallar və ya internetdən (elektron ticarət) istifadə etməklə ödənişlər həyata keçirənlər lotereyada iştirak etmək imkanı qazanır. 

Lotereyanın uduş fondu ümumilikdə 3 ədəd  2 nəfərlik hədiyyə paketindən ibarətdir. Hər hədiyyə paketinə UEFA Çempionlar Liqasının 10 dekabr 2013-cü ildə Türkiyədə keçiriləcək oyununa 2 ədəd dəvətnamə, 1 gecəlik 2 nəfərlik otaq və 2 nəfərlik Bakı - İstanbul - Bakı aviabileti daxildir. Qalib olan şəxsi futbol oyununda 7-9 yaşlı, boyu 110-130 sm. olan uşağı müşayiət etməlidir. Məhz həmin uşaq futbolçunun yanında oyundan əvvəl stadiona çıxacaq.  

TuranBankın beynəlxalq statuslu MasterCard plastik kartları öz rəqabətqabiliyyətliliyi ilə seçilir. Bu kartlar vasitəsilə SMS məlumatlandırma, Card to Card, Mobil Bankçılıq, Cash by Code və s. xidmətlərdən istifadə etmək mümkündür. Eyni zamanda Bank, müştərilərə əldə edilən plastik kartların üzərinə pulsuz şəkil həkk edilməsini təklif edir. Əlavə olaraq müştərilərə hədiyyələrin verilməsi məqsədilə hədiyyə kartları təklif edilir. TuranBankın buraxdığı plastik kartlar haqda daha ətraflı məlumatı bankın rəsmi internet səhifəsindən əldə edə bilərsiniz: :http://turanbank.az/?/ru/content/392/

TuranBank müştərilərə əlverişli şərtləri ilə seçilən, müxtəlif məqsədlər üçün istehlak, biznes, mikro, lombard, peşə, avtomobil və ipoteka kreditləri, eyni zamanda "Sirlər Xəzinəsi" kampaniyası çərçivəsində yüksək gəlirliliyi ilə cəlbedici sayılan geniş çeşidli əmanət növlərini təklif edir. Bank öz müştərilərinə Western Union, Xpress Money, Contact, Migom, Zolotaya Karona, Privatmoney, Allure, Blizko, IBA-Express və Monex kimi geniş çeşidli təcili pul köçürmə sistemləri üzrə xidmət göstərir. 

Bankın 14 xidmət nöqtəsi (onlardan 7-si regionlarda: Gəncə, Sumqayıt, Ağstafa, Tovuz, Zaqatalada, Xaçmaz və Qazaxda olmaqla) və 20 valyuta mübadilə şöbəsi fəaliyyət göstərir. TuranBankın məhsul və xidmətləri haqqında ətraflı məlumatı www.turanbank.az saytından,  https://www.facebook.com/TuranBankASC səhifəsindən və ya bankın 935 nömrəli Məlumat Mərkəzindən əldə etmək olar.—15D--