TuranBank yanvar-oktyabra yekun vurub

2013-cü ilin noyabr ayının 1-i üçün TuranBankın aktivləri 2012-ci ilin analoji dövrü ilə müqayisədə 14,85%, ilin əvvəli ilə müqayisədə isə 9,33% artaraq 237,33 mln manat təşkil edib. Hesabat tarixinə bankın kredit portfeli 2013-cü ilin əvvəli ilə müqayisədə 13,88%, 2012-ci ilin analoji dövrü ilə müqayisədə isə 18,09% artaraq 183,671 mln manata çatıb. 

2013-cü ilin yanvar-oktyabr aylarında Bankın  müştəri hesabları və depozit portfeli 104,1 mln manat təşkil edib. Depozit portfelinin strukturunda fiziki şəxslərin müddətli əmanətləri  2012-ci ilin analoji dövrü ilə müqayisədə 32,6% artaraq  57,536 mln manata çatıb. 

1 noyabr 2013-cü il üçün Bankın nizamnamə kapitalı 33,34% artaraq 40 mln manat təşkil edib. Hesabat dövründə Bankın məcmu kapitalı ilin əvvəli ilə müqayisədə 42,79%, ötən ilin analoji dövrü ilə müqayisədə isə 33,79% artaraq 45,5 mln manata çatıb. 

Bankın nizamnamə kapitalının strukturu ümumilikdə 27 səhmdar olmaqla - 5 hüquqi (23,84%) və 22 fiziki şəxsdən (76,16%) ibarətdir. 2013-cü ilin yanvar-oktyabr ayları üzrə fəaliyyət nəticələrinə əsasən Bankın gəlirləri 22,7 mln manat, xərcləri isə 18,085 mln manat təşkil edib. Hesabat dövrü ərzində Bankın balans mənfəəti  4,615 mln manat olub. —15D--