TuranBankın aktivləri 20,9% artıb

2013-cü ilin avqust ayının 1-nə TuranBankın aktivləri 2012-ci ilin analoji dövrü ilə müqayisədə 20,94%, ilin əvvəli ilə müqayisədə isə 5,56% artaraq 229,134 mln manat təşkil edib. Hesabat tarixinə bankın kredit portfeli 2013-cü ilin əvvəli ilə müqayisədə 10,1%, 2012-ci ilin analoji dövrü ilə müqayisədə isə 19,8% artaraq 177,551 mln manat olub. 

Bu ilin yanvar-iyul aylarında Bankın  müştəri hesabları və depozit portfeli 2012-ci ilin analoji dövrü ilə müqayisədə 4,9% artararq 101,5 mln manata çatıb. Depozit portfelinin strukturunda müddətli əmanətlər 2012-ci ilin analoji dövrü ilə müqayisədə 23,9% artaraq  63,8 mln manat təşkil edib. 

1 avqust 2013-cü il tarixinə Bankın nizamnamə kapitalı 40 mln manat təşkil edib. İlin əvvəli ilə müqayisədə 33,3%, ötən ilin analoji dövrü ilə müqayisədə isə 68,1% artımla müşahidə olunub. Hesabat dövründə TuranBankın məcmu kapitalı ilin əvvəli ilə müqayisədə 38,2%, ötən ilin analoji dövrü ilə müqayisədə isə 64,8% artaraq 44,031 mln manata çatıb. 

Bankın nizamnamə kapitalı strukturu ümumilikdə 27 səhmdar olmaqla - 5 hüquqi (23,84%) və 22 fiziki şəxsdən (76,16%) ibarətdir.  2013-cü ilin yanvar-iyul ayları üzrə fəaliyyət nəticələrinə əsasən TuranBankın gəlirləri 15,517 mln manat, xərcləri isə 12,377 mln manat olub. Bankın balans mənfəəti  3,14 mln manat təşkil edib. 

Hazırda Bankın 14 satış nöqtəsi (onlardan 7-si regionlarda: Tovuzda, Zaqatalada, Gəncədə, Ağstafada, Sumqayıtda, Xaçmazda və Qazaxda yerləşir) və 20 valyuta mübadilə şöbəsi fəaliyyət göstərir. 

TuranBank WesternUnion, XpressMoney, Contact, Migom, “Zolotaya korona”, Privatmoney, “Bıstraya poçta”, “Allür”, Blizko, IBA-Express və Monex. pul köçürmələri sistemləri vasitəsilə xidmət göstərir.—15D--