"Unibank" prossesinq mərkəzi yaradıb

"Unibank"ın kartlarının sayı kart sahiblərinə xidmətin keyfiyyətini və çeşidini artırmaq üçün “Kart Prossesinq Mərkəzi” yaratmaq imkanı verib. Hazırda "Unibank"ın kartlarının sayı 515 minə yaxındır. "Kart Prossesinq Mərkəzi"ni yaradılmasına 1 mln. dollar sərmayə qoyulub.

Bankın məlumatında deyilir ki, müştərilər qısa müddətdə xidmət və məhsullarda əhəmiyyətli dəyişiklikləri hiss edəcəklər.

“Bank kartlarının "Unibank"ın öz “Prosessinq Mərkəz”i tərəfindən idarə edilməsinə başlanması ödəniş kartları və nağdsız ödənişlər istiqamətində  daha çevik və effektiv olmasına imkan verəcək: “Prossesinq mərkəzimiz "Unibank"ın yüz minlərlə kart müştərisinin istəklərinə cavab verən çeşidli, innovativ məhsullar təqdim edəcək. Əminəm ki, bankımızın müştəriləri tezliklə bu yeniliklərin şahidi olacaq və üstün xidmətlərimizdən faydalanacaqlar", deyə Bankın “Kart Prossesinq” departamentinin rəhbəri İlqar İbrahimov bildirib.

 «Unibank» ASC 2002-ci ildə yaradılıb. Səhmlərinin 66,21%-i fiziki şəxslərə, 33,79%-i hüquqi şəxslərə, o cümlədən AYİB (12,15%) və DEG şirkətinə (6,68%) məxsusdur. --17D—