Unibank сash-in aparatlar tətbiq edir

«Unibank» nağd vəsaitlərin depozit və kart hesablarına qəbul edən və kreditləri ödəmək imkanı verən müasir tipli cash-in cihazların quraşdırılmasına başlayıb. 

Bankdan verilən məlumatlara görə, yeni aparatlar həm paytaxt, həm bölgələrdəki filiallarında işə salınır. Yaxın gələcəkdə isə bu cihazlar Bakının biznes-mərkəzlərdə və “Unibank”-ın tərəfdaşları olan ticarət şəbkələrində quraşdırılacaq. Hazırda alınan yeni avadanlığın İT-testləşdirməsi başa çatdırılıb, cash-in cihazların interfeysi isə tam olaraq Bankın xidmətlərinə uyğunlaşdırlıb. Nəticədə müştərilər operativ sürətdə kreditlər üzrə ödənişlərini həm nağd vəsaitlərlə, həm plastik kartları vasitəsi ilə artıq apara bilərlər. Bundan başqa, yeni cash-in cihazların quraşdırılması ilə onlar müxtəlif növ depozit və kart hesabların artırılması imkanında olacaqlar. Bu zaman vəsaitlər hesablara gün ərzində istənilən məqamda real vaxt rejimində yatırılacaq. Maraqlıdır ki, cash-in cihazlarda digər əməliyyatlar və o cümlədən kommunal xidmətlər və mobil telefonlar üzrə ödənişlər də aparıla bilər, deyə bankdan bildirilir. 

Qeyd etmək lazımdır ki, yeni cash-in cihazlar yalnız milli valyutada olan pul əskinaslarını qəbul edir. Amma xarici valyutalarda açılan hesablara da ödənişlər qəbul edilir – manat vəsaitləri bu zaman Bankın əməliyyat gününə açıqladığı məzənnəyə uyğun xarici valyutalara çevrilir. –15D--