V Azərbaycan-Rusiya forumu açılıb

 Qəbələdə “Regionlararası əməkdaşlıq və yeni inkişaf imkanları” adlı ikigünlük V Azərbaycan-Rusiya forumu açılıb.

İqtisadiyyat və sənaye naziri Şahin Mustafayevin sözlərinə görə, bu ölkələr arasında qarşılıqlı faydalı əməkdaşlıq hətta əmtəə dövriyyəsində də əksini tapıb – hazırda bunun səviyyəsi  $ 2,6 mırd. təşkil edir.

Nazir hesab edir ki, əgər Azərbaycanın bir hissəsi Ermənistan tərəfindən işğal edilməsəydi, müxtəlif iqtisadi layihələri tam şəkildə həyata keçirmək mümkün olardı. Azərbaycan Rusiya Federasiyasının 15 subyekti ilə əməkdaşlığa dair sənəd imzalayıb. Lakin bu, son hədd deyil”, - o vurğulayıb.

Rusiya nümayəndə heyətinə rəhbərlik edən RF regional inkişaf naziri İqor Slyunyayevin sözlərinə görə, bu gün energetika, maliyyə, nəqliyyat, sənaye və digər sahələrdə uğurlu əməkdaşlıq var. Lakin potensialın genişləndirilməsi üçün imkanlar var. Bu, ilk növbədə aqrar sənaye kompleksi, turizm və qarşılıqlı investisiyalara aiddir.

Proqramın əsas bəndlərindən biri Rusiya Regional İnkişaf,  Azərbaycanın İqtisadiyyat və Sənaye nazirlikləri arasında memorandumun imzalanmasıdır. Tədbirlər sırasına iki ölkənin işğüzar dairələrinn nümayəndələri arasında birja əlaqələri, Rusiya şirkətlərinin və investisiya layihələrinin sərgi-təqdimatı da daxildir.

Forumda bir sıra saziş və razılaşmanın imzalanması gözlənilir. 2014-cü il iyunun 23-nə olan vəziyyətə görə, Azərbaycanla Rusiya arasında 160-dan çox sahə üzrə sənəd imzalanıb. Onların 40-ı iqtisadiyyata aiddir.

Azərbaycan Rusiyaya ixracın həcminə görə 3-cü, idxalın həcminə görə 1-ci yeri tutur.--17D—