Hakimiyyət neft pulları gələndən heç vaxt seçkilərə belə ağır şəraitdə getməyib: manat alıcılıq qabiliyyətini itirir, qeyri-neft ixracı artmır. Dövlət büdcəsini azaltmaqdan başqa yol yoxdur.
İqtisadçı Rövşən Aöayev hesab edir ki, 2016-cı ildə bu ixtisar 10-15% də ola bilər, 25-30% də - bu, siyasi qərardan asılı olacaq.
Ölkəyə gələn pul kəskin azalır, gedən pul isə kəskin artır. Ölkənin onsuz da yaxşı olamayan başqa mühüm iqtisadi göstəriciləri - yerli istehsalın vəziyyəti, dünyaya çıxarılan qeyri-resurs məhsullarının həcmi azalır. Millli valyuta növbəti dəfə çox kəskin təzyiq altına düşüb, belə vəziyyətdə seçkiyə qədər ehtiyatların yenidən əriməsi sürətlənəcək.
«Fevral devalvasiyasında inzibati yollarla qiymət artımının qarşısını alan hökumət bu dəfə bunu bacarmayacaq, çünki biznesin dözüm limiti artıq xərclənib. Belə vəziyyətə əhalinin sosial durumu xeyli ağırlaşacaq”, deyə Rövşən Ağayev bildirir Bu, əhalinin sosial rifahın üçün yaxşı heç nə vəd etmir.
Mərkəzi Bankın məlumatına görə, təkcə iyulda onun valyuta ehtiyatları $18,7 mln azalıb. Fevral devalvasiyasından iyula kimi AMB-nin valyuta ehtiyatları $11 mlrd 4,4 mln-dan $8 mlrd 501,5 mln-a azalıb. Xatırladaq ki, 31 iyul 2014-cü il üçün AMB-nin valyuta ehtiyatları $15 mlrd 193.4 mln ekvivlenti olub. İllik kəsimdə AMB-nin valyuta ehtiyatları $6 mlrd 691,9 mln azalıb.
30 iyun 2014-cü ildən 31 iyul 2015-ci ilə kimi AMB-nin valyuta ehtiyatlarının azalması:
Tarix | Min ABŞ dolları |
31.07.2015 | 8501.5 |
30.06.2015 | 8520.2 |
29.05.2015 | 8430.8 |
30.04.2015 | 8387.9 |
31.03.2015 | 9472.1 |
28.02.2015 | 11004.4 |
31.01.2015 | 12680.8 |
31.12.2014 | 13758.3 |
30.11.2014 | 14996.3 |
31.10.2014 | 15033.6 |
30.09.2014 | 15042.4 |
31.08.2014 | 15190.9 |
31.07.2014 | 15193.4 |
30.06.2014 | 15163.2 |
-08D -
İqtisadiyyat
-
Şahdəniz qaz-kondensat yatağının operatoru olan BP bazar günü elan edib ki, Şahdəniz Alfa platformasında istehsal 18 yanvar axşamından bərpa edilib. Bu, Şahdəniz Alfa platforması ilə Səngəçal terminalı arasındakı sualtı kondensat ixrac boru kəmərində texniki problemin tam həllindən sonra baş verib.
-
SOCAR prezidenti Rövşən Nəcəf 18 yanvar tarixində Pakistanın Dövlət Neft Naziri Musadik Malik ilə görüşüb. SOCAR-ın məlumatına görə, müzakirələr zamanı enerji sahəsində birgə həyata keçirilən layihələr, əldə edilən nəticələr və müxtəlif sahələrdə, o cümlədən neft məhsulları ticarəti sahəsində əməkdaşlıq imkanları müzakirə olunub.
-
Azərbaycan Dövlət Statistika Komitəsi bildirib ki, 2024-cü ildə əsas kapitala qoyulan investisiyalar 21 435,1 milyon manata çatıb ki, bu da 2024-ci illə müqayisədə 0,7% azdır. Ümumi göstəricilər bir qədər aşağı səviyyədə olsa da, sektorlararası bölgü neft və qaz sahəsi ilə qeyri-neft sənayesi arasında əhəmiyyətli fərqlilikləri ortaya qoyur.
-
Azərbaycanın sənaye müəssisələri və fərdi sahibkarları 2024-cü ildə sənaye istehsalında ötən illə müqayisədə 1,1%-lik mülayim artım qeyd edərək, istehsalın ümumi dəyərini 64,1 milyard manata çatdırdı. Dövlət Statistika Komitəsi ümumi artımı neft və qaz sektorunun 0,5%-lik genişlənməsinə, qeyri-neft və qaz sənayelərinin isə 7,3%-lik sürətli artımına borcludur.
Rəy yaz