Viza Kredit-in istiqrazlarına fərqləndirilmiş yanaşma

Qiymətli Kağızlar üzrə Dövlət Komitəsi Viza Kredit bank olmayan kredit təşkilatının (BOKT) təmin edilməmiş istiqrazının iki buraxılışını qeydiyyata alıb. Şirkət manat ifadəsində qiymətli kağızlara inamın itməsi fonunda fond bazarında reallığı nəzərə alaraq korporativ istiqrazlar buraxıb.

Şirkət investorlara 90 min manat və 500 ABŞ dolları məbləğində istiqraz satmaq niyyətindədir.

Həmin qiymətli kağızların yerlışdirilməsi üzrə anderrayter kimi çıxış edən “Kapital Menecment İnvestisiya Sirketi”ndən bildirilib ki, istiqrazlar üzrə ödəmələr  rüblük rejimdə 12% illik üzrə olacaq. Onlar üç il ərzində dövriyyədə olacaqlar.

Bu, Viza Kredit BOKT-nin fond birjası vasitəsilə kapital cəlb olunması üzrə ikinci cəhdidir.

Bundan öncə şirkət 2013-cü ilin yayında 500 min manat məbləğində həmin faiz dərəcəsi ilə istiqraz yerləşdirib. Emissiya prospektinə görə, bu istiqrazlar 5 il ərzində dövriyyədə olmalıdır. Lakin şirkət ödəmə edərək onları vaxtından əvvəl alıb.

Viza Kredit BOKT MMC 2011-ci ilin avqustunda təsis edilib. Onun təsisçiləri Ceyhun Mehdizadə (50%) və Yaşar Məmmədovdur (50%). Şirkətin nizamnamə kapitalı 350 min manatdır.

Manatın məzənnəsinin kəskin enməsi ilə əlaqədar emitentlər qiymətli kağızları xarici valyutada buraxmağa məcbur olublar, belə ki, manatla istiqrazlar investorlar üçün cəlbedici deyil.

BOKT Azərbaycanda qiymətli kağızlar bazarının fəal iştirakçılarıdır. Onlar korporativ istiqrazların buraxılışının intensivliyi üzrə liderlik edirlər.

Hazırda dövriyyədə “FİNOKO” MMC, “FinEx Kredit” MMC, “Pro Kredit” MMC, “Premium Kredit” MMC,  “Merkuri” MMC, “Brand Credit” MMC, “Finca Azerbaycan” MMC və  “TBC Kredit”MMC-nin istiqrazları var. 08B