VTB (Azərbaycan) 11 000 AZN-dək olan nağd kreditlər üzrə sığorta şərtlərini ləğv etmişdir

Bank (VTB) Azərbaycan 11 000 manatadək olan nağd kreditlərin verilməsində  müştərilərin sığortalanmasını ləğv etmiş və kredit şərtlərini yaxşılaşdırmışdır. Belə ki, Bank VTB (Azərbaycan) ASC-dən nağd kredit almaq üçün borcalanın həyat və əmək qabiliyyətinin sığortalanmasına ehtiyac yoxdur. 

Adətən, banklar kredit verərkən aktivlər üzrə risklərin azaldılması məqsədilə kredit şərtlərinə uyğun olaraq borcalanın sığortalanması həyata keçirilirlər.  Kreditlər üzrə sığortanın aradan qaldırılması borcalanın xərclərini xeyli azaldır.

Xatırladaq ki,  Bank VTB (Azərbaycan) tərəfdaş şirkətlərin əməkdaşlarına - fiziki şəxslərə  sərfəli şərtlərlə və girovsuz 11 000 manatadək nağd kredit təklif edir.

Müştəri-şirkətin istənilən əməkdaşı iş yerindən arayışa və şəxsiyyəti təsdiq edən sənədlərə əsasən illik faiz dərəcəsi  - 20 %-dən başlayaraq nağd kreditlər əldə edə bilər. Kreditin minimal məbləği 300 manat, kreditin müddəti isə 6 aydan 36 ayadəkdir.  

* Bank VTB (Azərbaycan) ASC Bank VTB ASC-nin törəmə bankıdır. Bank VTB (Azərbaycan) ASC-nin səhmdarları Bank VTB ASC və “AtaHolding” ASC-dir. Bank VTB (Azərbaycan) ASC korporativ biznes, kiçik biznes və fərdi müştərilərə xidmətlər göstərir. Bu gün Bank 5 filial və Baş ofisdə yerləşən Müştəri xidmətləri idarəsi ilə təmsil olunub.