VTB-Azərbaycan bankı fiziki şəxslərə təklif olunan xidmətlər siyahısına 36 ay müddəti olan yeni əmanət məhsulu “Universal” depozitini əlavə edib. “Universal” əmanəti uzun müddətli yığım depozitidir, müddəti 1-2 il olan əmanətlərdən sərfəli şərtləri ilə əhəmiyyətli dərəcədə seçilir.
6 aydan 36 ayadək yerləşdirilən bu əmanətin minumum məbləği 300 manat təşkil edir. Həmçinin əmanətin artırılması depozitin müddətinin birinci yarısında həyata keçirilə bilər. Bu zaman artırılmanın minimal məbləği 100 AZN(USD)-dir. Əmanətin məbləği 1000 AZN (USD)-dən artıq olduqda, məbləğdən asılı olaraq əmanətçiyə pulsuz “Viza Classic” və ya “Viza Gold” plastik kartı təqdim edilir. Faizlərin ödənilməsi müddətin sonunda və ya aylıq həyata keçirilir. Faizlər müştərinin istəyindən asılı olaraq cari hesaba və yaxud kart hesabına köçürülə bilər.
Pərakəndə biznesin inkişafı Departamentinin direktoru İlnur Salahov: “Bizim əmanət müştərilərə sərbəst vəsaitlərini sərfəli şərtlərlə yerləşdirməyə imkan verəcək. Faktiki yeni – “maliyyə konstruktoru” kimi geniş funksiyalara malik olan müvafiq məhsul vasitəsilə, müxtəlif opsiyalardan (funksiyalardan): əmanətin məbləği, depozitin müddəti, əlavə artım, müddət bitməmiş vəsaitin qismən çıxarılması, faizlərin vaxtaşırı ödənilməsi, əmanətin müddətinin uzadılması və digər şərtlərdən istifadə edərək istənilən pul vəsaitinizi hərəkətə gətirə bilərsiniz. Bundan başqa, depozit üzrə faizləri təqdim olunan əlavə karta köçürülməsini təmin etmək mümkündür ki, bu da müştərinin banka yaxınlaşmadan faizlərini almasına və vaxtını itriməməsinə imkan verir. Yuxarıda sadalanan üstünlüklərlə yanaşı, cari depozit üzrə, hesablanan faizləri saxlamaqla, maliyyə məsələlərini həll etmək məqsədilə, sərfəli şərtlərlə kredit xəttini açamaq mümkündür”.
Bank VTB (Azərbaycan) ASC Bank VTB ASC-nin törəmə bankıdır. Bank VTB (Azərbaycan) ASC-nin səhmdarları Rusiya tərəfndən – Bank VTB ASC və Azərbaycan tərəfindən – “AtaHoldinq” ASC-dirlər. Bank VTB (Azərbaycan) ASC korporativ biznes, kiçik biznes və fərdi müştərilərə xidmətlər göstərir. Bank 4 filial və Baş ofisdə Müştəri Xidmətləri İdarəsilə təmsil olunur. —15D--
İqtisadiyyat
-
Dekabrın 21-də Azərbaycan və Rusiya arasında “Şimal-Cənub” beynəlxalq nəqliyyat dəhlizi ilə tranzit yükdaşımaların inkişafı məqsədilə əməkdaşlıq haqqında Saziş imzalanıb.
-
Yüzlərlə yük maşını Qazaxıstanın Kurık limanında ilişərək Azərbaycana bərə ilə keçmək üçün bir neçə gün gözləyir, lada.kz portalı xəbər verir. Bu durğunluq bərələrin azlığı, əlverişsiz hava şəraiti və Rusiyaya qarşı sanksiyaların genişlənməsi səbəbindən marşrutların dəyişdirilməsi ilə əlaqədardır.
-
Müstəqil Sənayeçilər və İş Adamları Dərnəyinin (MÜSİAD) üzvləri son üç il ərzində Azərbaycanın iqtisadiyyatına 61,3 milyon manat sərmayə yatırıb. Bu barədə "MÜSİAD Azərbaycan" İdarə Heyətinin sədri Rəşad Cabirli mətbuat konfransında bildirib.
-
Qlobal iqtisadiyyat davamlı problemlərlə üzləşdiyi bir vaxtda, Çin ilə Azərbaycan arasındakı ticarət azalma tendensiyalarını üstələyərək əhəmiyyətli artım nümayiş etdirib. Azərbaycanın rəsmi statistikasına əsasən, 2023-cü ildə iki ölkə arasındakı ticarət dövriyyəsi 3,1 milyard ABŞ dollarına çatıb. Yalnız 2024-cü ilin ilk on ayında ticarət həcmi illik hesablamada 17,1% artaraq 3,02 milyard ABŞ dollarına yüksəlib və illik ticarət göstəricisinin rekord səviyyəyə çatacağı gözlənilir.
Rəy yaz