Xarici ticarət dövriyyəsi 9,2% azalıb

Bu ilin 8 ayında Azərbaycanın xarici ticarət dövriyyəsi $21 mlrd olub. Bu, ötən ilin eyni dövründəkindən 9,2% azdır. Xarici ticarətin müsbət saldosu  $9,7 mlrd olub.

İlin əvvəlindən Azərbaycan 139 ölkə ilə ticari əlaqədə olub. Sentyabrın 16-da Gömrük Komitəsinin yaydığı məlumata görə, ixrac həcmi ($15 351 mln) 3,7% azalıb.

Zam neft ixracı ($13,1 mlrd) 2,2%, qaz ixracı (225 mln) 57% azalıb. Neft məhsulları ixracı xarici şirkətlərin təyyarələrinin təchizatı da nəzərə alınmaqla $867 mln olub. Bu, ötən ilin eyni dövründəkindən 4,5% çoxdur.

Karbohidrogen və onun emal məhsullarının ixracatda payı ötən ilki kimi 92,65%-dir.

İdxal həcmi 21,3% azalaraq $5 613,5 mln olub. Nəqliyyat vasitələri tədarükü $0,5 mlrd, qara metal tədarükü $230 mln, ağac məhsulları idxalı $138 mln azalıb.

Müstəqil ekspertlərə görə, bir çox hallarda Azərbaycanın ticarət dövriyyəsi kontragent ölkələrin gömür orqanlarının məlumatları ilə düz gəlmir. Məsələn, RF baş nazirinin müavini Dmitri Roqozinin sözlərinə görə, bu ilin 7 ayında iki ölkə arasında ticarət dövriyyəsi $2,2 mlrd olub, Azərbaycanın rəsmi statistikası isə bu həcmi $1 mlrd göstərir.

Maraqlıdır ki, idxal həcmi $1,5 mlrd azalsa da, DGK gömrük yığımı üzrə aylıq planı ödəyir. İlin əvvəlindən 1 mlrd toplanıb. Bu, ötən ilin eyni dövründəkindən 113,2 mln çoxdur. 08D