Xəzəryanı ölkələr 2014-cü ildə nərə balıqlarının sənaye ovundan imtina edib. Bu qərar Rusiya Federasiyasının Həştərxan şəhərində Xəzər dənizinin Su Bioresursları Komissiyasının 34-cü iclasında qəbul edilib.
Faktik olaraq, Azərbaycan, İran, Rusiya, Qazaxıstan və Türkmənistan 2014-cü ildə Xəzərdə nərəkimilərin kommersiya məqsədli ovlanmasına qadağanın uzadılması barədə razılığa gəliblər
İclasda əsas məsələ Xəzər dənizinin bioresurslarının qorunması və rasional istifadəsi haqqında saziş olub. Tərəflər layihənin konseptual tərəfləri barədə fikir mübadiləsi ediblər: komissiyanın strukturu, balıqçılığın idarə edilməsi və s. Tərəflər saziş layihəsi ilə sonrakı iş qaydasını müəyyən ediblər. Sənəd Xəzəryanı ölkələrin 4-cü Xəzər Sammitində imzalanmaq üçün hazırlanır. Tədbir gələn ilin II yarısında Həştərxanda keçiriləcək.
Saziş layihəsini razılşadırmaq üçün növbəti görüş 2014-cü ilin I rübündə keçiriləcək.
Azərbaycan nümayəndə heyətinə Ekologiya və Təbii Sərvətlər Nazirinin müavini Rauf Hacıyev başçılıq edib. -08D--
İqtisadiyyat
-
S&P Global Ratings Azərbaycanın bank sektorunun risk qiymətləndirməsini yenidən nəzərdən keçirərək, proqnozu "sabit"dən "müsbət"ə yüksəldib.
-
Ölkədə son günlər çörəyin bahalaşdığı deyilir. Sosial şəbəkələrdə yazılır ki, çörəyin qiymətlərində 5-10 qəpik artım var. Şikayətlərə görə, Azərbaycanda "zavod çörəyi" kimi tanınan çörəyin üstündə çəki barədə məlumat tapmaq çətindir. Yəni, bir çox hallarda bu növ çörəyin üstündə çəki barədə məlumat yazılmır. Ayrı-ayrı sexlərin təndirxanalarında bişən çörəklə də bağlı alıcıya çox vaxt qiymətdən başqa heç bir məlumat verilmir.
-
Rusiya, İran və Azərbaycanın xarici işlər nazirləri, nəqliyyat nazirləri, enerji nazirləri və gömrük xidmətlərinin rəhbərləri yaxın zamanda Rəşt-Astara dəmir yolu layihəsinin icra vəziyyətini müzakirə etmək üçün üçtərəfli görüş keçirəcək. Bu barədə İranın Rusiyadakı səfiri Kazım Cəlali məlumat verib.
-
Azərbaycan və Tatarıstan enerji, maşınqayırma, neft-kimya, kənd təsərrüfatı və nəqliyyat sahələrində qarşılıqlı maraqlara əsaslanan ticarət və iqtisadi əməkdaşlığı gücləndirməkdə davam edir. İkitərəfli əlaqələr, rəsmi nümayəndə heyətlərinin müntəzəm səfərləri və beynəlxalq iqtisadi forumlarda iştirakı ilə dəstəklənən sabit inkişaf nümayiş etdirir.
Rəy yaz