Yanan «Karvan» ticarət mərkəzinin sahibi 74 min manat alıb

“Atəşgah” sığorta şirkəti üquqi şəxslərin əmlak sığortası üzrə 74 min manat ödəyib.

Şirkətdən verilən məlumata görə, Sumqayıtda yerləşən “Karvan” Ticarət Mərkəzində baş verən yanğın nəticəsində qiymətli saat və aksessuarlar yanıb. Həmin saat və aksessuarlar satılan mağazaya verilib. Bu, ticarət sistemində əmlak sığortası üzrə az təsadüf edilən haldır.

Əmlak sığortası “Atəşgah” SŞ-nin əsas istiqamətlərindən biridir və yanğın və ya tüstü nəticəsində zədələnmə, ildırım vurması, məişət qazının partlaması, sığortalanmış əmlakın üstünə uçan alətlərin və yaxud onların qırıqlarının düşməsi, təbii fəlakətlər, sığortalanmış əmlakın su kəməri xətti, kanalizasiya, isitmə və yanğına qarşı sistemdən axan su nəticəsində zədələnməsi və digər riskləri əhatə edir.

“Karvan” Ticarət Mərkəzində oktyabrda baş verən yanğın zamanı yüzlərlə ticarətçi əmlakdan məhrum olub, onlarla insan qazdan zəhərlənib.

Əsas versiya qəsdən yandırma idi. Deyilənə görə, bu mərkəzin sahibi ticarətçilərdən özbaşına “vergi” alırmış.

“Karvan” Ticarət Mərkəzi AzSigortada sığorta olunub. Onun sahibi Ağamirzə Əhədov AzSigortadan 2,1 mln manat tələb edir. --17D—