Yanvarda AVSMMİS üzrə 50 min müqavilə bağlanılıb

Yanvarda AVSMMİS üzrə 30,2 min sığorta müqaviləsi (1 aylıq tranzit müqavilələri istisna) bağlanılıb. 

İcbari Sığorta Bürosu üzvləri tranzit də daxil AVSMMİS üzrə 49,4 min sığorta müqaviləsi bağlayaraq 3,6 mln manat mükafat əldə ediblər. Ötən ilin yanvarı ilə müqayisədə 53% artım tempi var. Müqavilələrin 76,5%-i minik avtomobilləri üzrədir. 

16 dekabr 2011-ci ildən  AVSMMİS üzrə polislər yeni tariflə satılır. 

Büronun icraçı direktoru Elxan Quliyevin sözlərinə görə, aktiv istifadə edilən avtonəqliyyat vasitələrinin 80%-i AVSMMİS-ə cəlb edilib. Ötən il DİN DYP-nin məlumatına görə, 750 min avtonəqliyyat vasitəsi texniki baxışdan keçib. Hər il 50 min vahidə yaxın artım olur. 

İcbari Sığorta Bürosu 16 dekabr 2011-ci ildə yaradılıb. Hazırda 12 üzvü var.  

11 şirkətin AVSMMİS üzrə sığorta hüququ var. 

“İcbari sığorta növləri haqqında” qanun çərçivəsində AVSMMİS üzrə yeni sistemi tətbiq edilib. Avtomobillərin sığortasının qiyməti 1,5 min sm3 üçün (AVSMMİS üzrə) 50 manatdır. Mühərrikin həcmi artanda 1,5 (5 min sm3-ə qədər) və 5 (5 və daha artıq sm3) əmsal artırılır. 

Sərnişin nəqliyyatının avtosalonu və ya yük avtomobilinin tonnajı artanda da baza qiyməti artır. 

Avtobuslar, mikroavtobuslar və onların   bazasında istehsal edilmiş digər avtonəqliyyat vasitələri – sərnişin yerlərinin sayına görə 9-dan 16-dək 3 əmsalı, 16 yerdən çox olanda 4 əmsalı artırılır.

Yük avtomobiləri üçün əmsal 3-5 arasıdır. 

Motosikl, traktor və başqa kənd təsərrüfatı texnikası üçün əmsal minimaldır. 

AVSMMİS üzrə sığorta haqqı müəyyən ediləndə də bonus-malus nəzərdə tutulub. 

Qanuna görə əmlaka dəyən ziyana görə 5 min manat,  bir şəxsin sağlamlığına dəyən ziyana görə 5 min manat, bir sığorta hadisəsi üzrə maksimum 55 min manat ödənilir. 

16 dekabr 2011-ci ildən  AVSMMİS üzrə polislər yeni tariflə satılır. --17D—