Yanvarda daha çox ödəniş KTS üzrə olub

Yanvarda bütün sığorta növləri üzrə 7 mln 44,96 min manat ödəniş olub. Bu, ötən ilkindən 38% çoxdur. Könüllü növlər üzrə 4,55 mln manat ödəniş edilib. 

Daha çox ödəniş KTS üzrədir  - 2,15 mln manat. Avtomobillərin КАСКО sığortası üzrə 1,96 mln manat ödənilib. AVSMMİS üçüncüdür - 1,68 mln manat. Qalan növlər lider üçlükdən (82,1%) geri qalır. 

Könüllü həyat sığortası üzrə 75 min manat, səyahət sığortası üzrə 17,12 min manat kompensasiya edilib. 

Bədbəxt hadisə və xəstəliklərdən sığorta üzrə 78,86 min manat, əmlakın yanğından və başqa risklərdən sığortası üzrə 131,95 min manat ödənilib. Yük sığortası üzrə 2,28 min manat, avtonəqliyyat vasitələri sahiblərinin mülki məsuliyyətinin sığortası üzrə 3,19 min manat kompensasiya edilib.  

Ümumi mülki məsuliyyətin sığortası üzrə 100,73 min manat, işə götürənlərin məsuliyyətinin sığortası üzrə 16,01 min manat, kənd təsərrüfatı sığortası üzrə 28,23 min manat sığorta ödənişi edilib. 

İcbari növlər üzrə 2,45 mln manat ödənilib. Hərbçilərin icbari sığortası üzrə 500,2 min manat, məhkəmə və hüquq-mühafizə orqanları əməkdaşlarının icbari sığortası üzrə 66,59 min manat, köhnə AVSMMİS üzrə 3,54 min manat ödənilib. 

Yeni tarifə düşən növlər üzrə vəziyyət belədir: avtonəqliyyat vasitələri sahiblərinin mülki məsuliyyətinin icbari sığortası (yeni AVSMMİS) 1,66 mln manat, əmlakın icbari sığortası 148,69 min manat. --17D—