“Kapital Bank” ASC-nin aktivləri 2016-cı ilin I yarısında 269 mln manat və ya 13,3% artaraq 2 mlrd 286,8 mln manata çatıb. Bu barədə bankın hesabatında bildirilir.
İyulun 1-i üçün bankın kredit portfeli 1 mlrd 180,7 mln manatdır. Bu, ilin əvvəlindəkindən 6,9% (77 mln manat) çoxdur.
Kapital Bankın cəlb etdiyi depozitlər (1 mlrd 164,1 mln manat) ilin əvvəlindən 3,4% (39 mln manat) artıb.
Maraqlıdır ki, bankın öhdəliklərinin artım tempi (17,5% və ya 302 mln manat) aktivlərin artımından yüksəkdir.
“Kapital Bank” ASC 2016-cı ilin 6 ayında mənfəəti və ziyanı barədə məlumat vermir. Nizamnamə kapitalı 185,5 mln manat olan bankın səhmdar kapitalı 259,6 mln manatdır.
“Kapital Bank” ASC-nin 170 səhmdarı var. Səhmlərin 99,87%-i “Pasha Holding” MMC-yə məxsusdur. 08D
İqtisadiyyat
-
Azərbaycan, regional ölkələrdən keçən yüklər üçün gömrük prosedurlarını sadələşdirmək və sürətləndirmək məqsədi daşıyan Transxəzər Gömrük-Tranzit Portalının yaradılmasını təşəbbüs edib. Məlumatların əvvəlcədən emalı və prosedurların sadələşdirilməsi yolu ilə yüklərin daha tez rəsmiləşdirilməsinə şərait yaradan bu portal, Xəzər regionunda ticarət səmərəliliyinin artırılması istiqamətində mühüm addım hesab olunur.
-
Azərbaycan Prezidenti İlham Əliyev Franklin Templeton şirkətinin baş direktoru və prezidenti Ceni Consonu qəbul edərək, strateji əməkdaşlıq imkanlarını müzakirə etdi. Franklin Templeton dünyanın aparıcı aktivlərin idarə edilməsi şirkətlərindən biridir.
-
2024-cü ildə Azərbaycanda elektrik enerjisi istehsalı 28 394,1 milyon kilovat-saat (kVt·st) təşkil edib. Bu barədə Energetika Nazirliyinin operativ məlumatlarında bildirilir.
-
Türk Dövlətləri Təşkilatının (TDT) Gömrük Xidməti Rəhbərlərinin 10-cu iclası çərşənbə axşamı Bakıda başlayıb. İclasda Azərbaycan, Türkiyə, Qazaxıstan, Özbəkistan və Qırğızıstanın yüksək vəzifəli nümayəndələri iştirak edirlər. Tədbirə həmçinin Birləşmiş Millətlər Təşkilatı, Beynəlxalq Avtomobil Nəqliyyatı İttifaqı (IRU), Gürcüstan və Macarıstan gömrük xidmətlərinin nümayəndələri də qatılıb.
Rəy yaz