Ölkənin ən iri bankı olan Azərbaycan Beynəlxalq Bankı oktyabrın 18-də bankın aktivlərinin artım templərinin və kapital adekvatlığı əmsallarının optimal səviyyədə saxlanılması məqsədi ilə nizamnamə kapitalının artırılmasına dair 4 illik konsepsiya qəbul edib. İlkin mərhələdə NK 200 mln manat artırılacaq.
ABB-nin mətbuat xidmətinin məlumatında deyilir ki, növbəti illərdə isə hər il 100 milyon manat artırılmaqla cəmi 500 milyon manat məbləğində artırılması nəzərdə tutulub. Beləliklə, 2017-ci ildə bankın nizamnamə kapitalı 868 mln manat ($1 mlrd 60 mln) olacaq.
Maraqlıdır ki, səhmdarların növbədənkənar ümumi yığıncağı barədə məlumat verilməmişdi. Minoritarlar illlik yığıncağa çağırılmadıqlarından şikayət edirlər. Bankın 1900 səhmdarı var. Dövlət Maliyyə Nazirliyinin şəxsində 50,2% paya malikdir.
Sonuncu dəfə bank 2012-ci ilin iyununda 100 mln manatlıq emissiya buraxıb və o, bu ilin parelində başa çatıb. Bu il bankın NK-ı mənfəət hesabına 28 mln manat artırılıb. Nəticədə səhmlərin nominal qiyməti 24 qəpikdən 26 qəpiyə qalxıb. ABB səhmlərinin bazar qiyməti 18-20 qəpikdir. 30 iyun 2013-cü il üçün bankın səhmdar kapitalı 468,2 mln manat təşkil edib. 08D
İqtisadiyyat
-
Azərbaycan yeni ilə qaz, elektrik enerjisi, su və dərman tariflərinin əhəmiyyətli dərəcədə artması ilə başladı, bu da vətəndaşlar arasında ev təsərrüfatlarına maliyyə yükü ilə bağlı geniş narahatlıq yaratdı. Rəsmilər bu tədbirləri iqtisadi dayanıqlılıq üçün zəruri hesab etsələr də, tənqidçilər durğun əməkhaqqı və pensiyalarla bağlı problemlər barədə xəbərdarlıq edirlər.
-
1 yanvar tarixindən etibarən Avropa Rus qazının Ukrayna vasitəsilə müqavilə əsasında nəqlini dayandırıb. Kiyev, “təcavüzkar ölkənin” qazının öz ərazisindən keçidi ilə bağlı müqavilələri uzatmayacağını bəyan etdi. Bu qərar, Ukraynada müharibədən əvvəl qitənin qaz idxalının təxminən 50%-ni təşkil edən Rusiya enerjisindən asılılığını azaltmaqda Avropanın səyləri üçün mühüm bir mərhələni ifadə edir.
-
Tarif Şurası qeydiyyata alınmış dərman vasitələrinin topdan və pərakəndə satış üzrə maksimum qiymətlərinin tənzimlənməsinə dair qərar qəbul edib. Yeni qiymət məhdudiyyətləri 2 yanvar 2025-ci ildən qüvvəyə minir.
-
Tarif Şurası tikinti obyektlərinin su təchizatı və tullantı sularının axıdılması sistemlərinə qoşulma xidmətləri üçün ilk dəfə tarifləri təsdiqləyib, əvvəllər tənzimlənməyən və qeyri-müntəzəm ödənişlərin tətbiq olunduğu bu sahəni strukturlaşdırıb, yanvarın 2-də elan edib.
Rəy yaz