Yeni ilin ilk günlərində neftin qiyməti ucuzlaşıb

Çərşənbə axşamı neft hasilatının tədricən artdığı qeydə alınan Liviyadan daxil olan xəbərlər fonunda neftin dünya qiymətləri azalıb, xəbəri RBC yayıb.

Nyu-Yorkda 2 yanvar 2014-cü il hərracının nəticələrinə görə New York Mercantile Exchange (NYMEX) müddətli mal birjasında WTI (Light Sweet) neftinin rəsmi qiyməti 2,98 dollar azalaraq, 95,44 doll./barr. təşkil edib, InterContinental Exchange Futures Europe (IСE Futures Europe) elektron mal birjasında neftin qiyməti 3,02 dollar azalaraq, 107,78 doll./barr. təşkil edib.

Liviyanın National Oil Corp. şirkətinin mətbuat katibi bildirib ki, istirahət günləri iki yataq neft hasilatını bərpa edib. Bir müddət əvvəl Liviyada neft yataqlarında və neft terminallarında etirazlar bazara xammal neft tədarükünün məhdudlaşmasına gətirib çıxarmışdı. 2013-cü ilin noyabrında Liviyanın neft istehsalı gündə 350 min barrel təşkil edib, ayın sonuna doğru gündəlik 1,4 mln. barrel istehsal üçün potensial imkan olduğu halda, istehsal 250 min barrelə qədər azalıb. 

“Qara qızılın” qiymətinin azalmasına Kuşinge anbarında (Oklahoma ştatı) xammal neft ehtiyatının kəskin şəkildə artması mövzusundakı spekulyasiyalar da təsir edib, xəbəri BBC yayıb.

RBC xatırladır ki, analitiklər 2013-cü ildə çıxarılan neft ehtiyatlarının həddən artıq çox olması problemini qeyd edirdilər. İndi İrandan dünya bazarlarına neft daxil olmağa başladıqda, Liviyada üsyançılar neft terminallarının mühasirəsinə son qoyduqda və Suriyada vəziyyət dinc yolla tənzimləndikdə “qara qızılın” qiymətinin necə olacağını təxmin etmək çətindir, deyə ekspertlər qeyd edirlər. Bununle belə, onlar ilin ikinci yarısında neftin qiymətinin 2013-cü ilin dekabrındakı səviyyə ilə müqayisədə 15% azalacağını ehtimal edirlər.

Azərbaycan nefti Brent markası altında satılır. 2013-cü iin sonunda hasilat azalıb və gündə 830 min barrel təşkil edib. Qeyd etmək lazımdır ki, hələ sentyabrda gündə 912,7 min barrel neft çıxarılırdı. -0-