Azərbaycanda həyat sığortası və pensiyalara münasibət beynəlxalq standartlara uyğunlaşacaq. Maliyyə Nazirliyinin Sığorta Nəzarəti Xidməti məlumat verir ki, Azərbaycan Aktuarilər Assosiasiyası və Beynəlxalq Aktuarilər Assosiasiyasının təşkilatçılığı ilə Bakıda "Həyat sığortası və pensiya" adlı 3 günlük kurs təşkil edilib. Kursda Amerika Birləşmiş Ştatları və Böyük Britaniyadan olan mütəxəssislər mühazirə oxuyub, dinləyicilər nəzəri hazılıqdan sonra qavrama qabiliyyətlərini praktikada göstəriblər.
Kurs əsasən aktuar etikası, sosial və təqaüd sığortası, aktuar hesabatları və s. mövzuları əhatə edib. --17D—
İqtisadiyyat
-
S&P Global Ratings Azərbaycanın bank sektorunun risk qiymətləndirməsini yenidən nəzərdən keçirərək, proqnozu "sabit"dən "müsbət"ə yüksəldib.
-
Ölkədə son günlər çörəyin bahalaşdığı deyilir. Sosial şəbəkələrdə yazılır ki, çörəyin qiymətlərində 5-10 qəpik artım var. Şikayətlərə görə, Azərbaycanda "zavod çörəyi" kimi tanınan çörəyin üstündə çəki barədə məlumat tapmaq çətindir. Yəni, bir çox hallarda bu növ çörəyin üstündə çəki barədə məlumat yazılmır. Ayrı-ayrı sexlərin təndirxanalarında bişən çörəklə də bağlı alıcıya çox vaxt qiymətdən başqa heç bir məlumat verilmir.
-
Rusiya, İran və Azərbaycanın xarici işlər nazirləri, nəqliyyat nazirləri, enerji nazirləri və gömrük xidmətlərinin rəhbərləri yaxın zamanda Rəşt-Astara dəmir yolu layihəsinin icra vəziyyətini müzakirə etmək üçün üçtərəfli görüş keçirəcək. Bu barədə İranın Rusiyadakı səfiri Kazım Cəlali məlumat verib.
-
Azərbaycan və Tatarıstan enerji, maşınqayırma, neft-kimya, kənd təsərrüfatı və nəqliyyat sahələrində qarşılıqlı maraqlara əsaslanan ticarət və iqtisadi əməkdaşlığı gücləndirməkdə davam edir. İkitərəfli əlaqələr, rəsmi nümayəndə heyətlərinin müntəzəm səfərləri və beynəlxalq iqtisadi forumlarda iştirakı ilə dəstəklənən sabit inkişaf nümayiş etdirir.
Rəy yaz