Yerli istehsal idxal duzunu sıxışdırır
Bu ilin I rübündə Azərbaycanda 7,1 min ton duz istehsal edilib. Bu, ötən ilin eyni dövründəkindən 6,2% çoxdur. 2010-cu ildə gücü 90 min ton olan Masazır duz zavodu işə düşəndən yerli istehsal idxal duzunu sıxışdırır.
Dövlətstatkoma görə, 2013-cü ildə Azərbaycanda 30,6 min ton duz istehsal edilib. Bu, bir il öncəkindən 6,7% çoxdur. Müəssisələr üzrə istehsal strukturu açıqlanmır. Təkcə Naxçıvanda 2966,9 ton duz istehsal edilib (+1%). 2010-cu illə müqayisədə (11,6 min ton) duz istehsalı 2,6 dəfə artıb.
Azərbaycana duz Ukrayna. Türkiyə, Rusiya və başqa ölkələrdən gətirilir. Son 4 ildə ölkəyə duz idxalı 30,9 min tondan (2010-cu il) 16 220,4 tona düşüb.
Təkcə ötən il idxal 7283 ton azalıb. 2012-ci ildə olduğu kimi, 1 kq duz gömrükdə 16 sentə bəyan edilir. 2007-ci ildən Azərbaycan az da olsa, duz ixrac edir. Bu illərdə duz ixracı həcmi 4 dəfə artaraq 2013-cü ildə 1837,1 ton olub. Ötən il ixracat 11% artıb. Azərbaycan duzu 2 sent ucuz (14 sent) satılır.
Ötən illər ölkədə duz bahalanıb. 2005-ci ildə 1 kq duz 20-40 qəpik olub, indi 0,40- 1,5 manatdır. Amma bazar saxta mallardan qurtulur. Açıq satışda əsasən yodlu duz satılır.
Ərzaq balansına əsasən, ildə Azərbaycanda 92 min ton duz, o cümlədən mal qara və quş yemi üçün 11 min ton, qış aylarında şəhər təsərrüfatında yolların buzdan təmizlənməsi üçün 5 min ton duz istehla
Vergilər Nazirliyinin məlumatına görə, duz istehsalı sahəsində “Azərbaycan Duz İstehsalat Birliyi” QSC (110 işçi) və “İSR Duz” (6 işçi) işləyir. --08B—
-
- Cəmiyyət
- 30 Aprel 2014 14:42
İqtisadiyyat
-
İqtisadiyyat Nazirliyində yerli istehsalın stimullaşdırılması və ixrac potensialının genişləndirilməsi yollarının araşdırılması məqsədilə iyulun 26-da qeyri-neft sənayesi sahibkarları ilə görüş keçirilib.
-
Azərbaycanın internet provayderləri “Aztelekom” və “Baktelekom” avqustun 15-də qiymət strukturunda böyük dəyişikliklər edəcək. Yeni tariflərə əsasən, minimum internet sürəti 100 Mbit/s-dək artacaq, Mbit/s-nin qiyməti 0,45 AZN-dən 0,25 AZN-ə enəcək. Müvafiq olaraq, ödəniş 100 Mbit/s üçün 25 AZN, 150 Mbit/s üçün 30 AZN, 250 Mbit/s üçün 36 AZN-ə uyğunlaşdırılacaq.
-
Müstəqil ekspertlər Azərbaycanın ticarət dövriyyəsinin və ödəniş profisitinin azalması səbəbindən öz valyutası manatın növbəti devalvasiyası ərəfəsində ola biləcəyini ehtimal edirlər. Gözlənilən iqtisadi düzəlişlər valyuta axınının azalması və neft hasilatının azalması fonunda baş verir.
-
Azərbaycanın Xarici İşlər Naziri Ceyhun Bayramov bu gün Azərbaycan Xarici İşlər Nazirliyində Somalinin Xarici İşlər və Beynəlxalq Əməkdaşlıq Naziri Əhməd Moallim Figi ilə görüşüb. Bu görüş, əvvəlki gün Figi ilə Azərbaycanın İqtisadiyyat Naziri Mikail Cabbarov arasında keçirilmiş müzakirələrdən sonra baş tutub.
Rəy yaz