Yığım sığortası populyarlıq zirvəsini keçib

Yığım sığortası həyat sığortası üzrə mükafatların 47,79%-i təşkil edib. Bir ay əvvəl bu növdə rekord ("İstehsalatda bədbəxt hadisələr və peşə xəstəlikləri nəticəsində peşə əmək qabiliyyətinin itirilməsi hallarından icbari sığorta haqqında" qanun qüvvəyə minəndən) qeydə alınmışdı - 58,6%. 

Yanvar-apreldə istehsalatda bədbəxt hadisələr və peşə xəstəlikləri nəticəsində peşə əmək qabiliyyətinin itirilməsi hallarından icbari sığorta üzrə 12,46 mln manat yığılıb. Bu, ötən ilin eyni dövründəkindən (5,4 mln manat) iki dəfə çoxdur. Həyat sığortası üzrə cəmi 26,68 mln manat toplanıb. 

Azərbaycanda hələlik həyat sığortası üzrə ixtisaslaşıb, istehsalatda bədbəxt hadisələr və peşə xəstəlikləri nəticəsində peşə əmək qabiliyyətinin itirilməsi hallarından icbari sığorta edən 3 şirkət var.  Mayın 1-i üçün “Atəşgah həyat Sığorta” 11 mln 351,53 min manat, “Paşa həyat Sığorta” 11 mln 263,45 min manat, “Qala həyat Sığorta” 4 mln 64,25 min manat mükafat yığıb. 

Vergilər Nazirliyinin məlumatına görə, ölkədə yarım milyona yaxın sahibkar var. Onların beşdə biri real məşğulluğu təmin edir. Bütün təbii inhisarlar və iri biznesmenlər sığorta şirkətləri ilə müqavilə bağlayıb. 

.“İstehsalatda bədbəxt hadisələr və peşə xəstəlikləri nəticəsində peşə əmək qabiliyyətinin itirilməsi hallarından icbari sığorta haqqında» qanun 2010-cu ildə təsdiq edilib. 17 dekabrda Maliyyə Nazirliyi normativ-hüquqi aktları təsdiq edib. 

 2010-cu ilin noyabrında Nazirlər Kabinetinin təsdiq ertdiyi tariflərlə iqtisadi fəaliyyət növləri 14 risk dərəcəsinə bölünüb. Müəssisənin risk dərəcəsindən asılı olaraq sığorta ödənişi həcmi 0,2%-2%-dir. Qanuna əsasən, sığorta tarifi müəssisənin maaş fonduna köçürülür. Qanun 3  sığorta ödənişi növünü nəzərdə tutur: aylıq, bir dəfəlik və əlavə. Bundan başqa, hər il dövlət büdcəsinin xərclər hissəsinə istehsalatda bədbəxt hadisələr və peşə xəstəliklərdən icbari sığorta üzrə 10 mln manat ayrılır. --17D—