Aprel ayinda imb-da qiymətlər sabit qalib
Aprel ayında İlkin Mənzil Bazarında (İMB) ümumi aktivlik müşahidə edilsədə, qiymətlər əsasən sabit olaraq qalıb. Eyni vəziyyət Respublikanın digər böyük şəhərlərində də müşahidə edilmişdir. Mütəxəssislərin hesablamalarına görə aprel ayı üçün İMB-da orta qiymət indeksi 1 kv.metr üçün 853,6 manat civarında qərarlaşıb. Ötən rübün müvafiq dövrü ilə müqayisədə qiymət dəyişməsi 5,1%, ötən ilə nisbətdə isə 4,0% artımla yadda qalıb. 2008-ci ilin sentyabr ayı (böhran dövrü) ilə müqayisədə isə qiymət azalması 28,5% təşkil edib. Qeyd edək ki, həmin dövr üçün 1 kv.metr mənzilin qiyməti 1194 manat olub. Ay ərzində ən cəlb edici rayonlar Yasamal, Xəyai və Nəsimi rayonları оlmuşdur. Ay ərzində aparılan araşdırmalara əsasən alıcı aktivliyinin əsas hisssəsi 3 otaqlı mənzillərdə qeydə alınıb. Aprel ayı ərzində otaqlar üzrə yeni mənzillərin satışı təxminən 39%-3otaqlıların, 30%-2 otaqlıların, 31% isə yerdə qalan 1,4,5 otaqlı mənzillərin payına düşüb.
Ekspertlər son aylarda Təkrar Mənzil Bazarında olduğu kimi İlkin Mənzil Bazarındada aktivliyin artdığını vurğulayırlar. Bunu əsasən bazardakı ümumi tendensiyanın nəticəsi kimi əlaqələndirirlər. Mütəxəssislər hələdə, İMB-da satışa çıxarılan mənzillərin real qiymətləndirməni əks etdirmədiyini söyləyirlər. Eləcədə İMB-da sənədləşmə, kommunal xidmətlərin qənaətbaxş olmaması, ipoteka şərtlərinin əlverişsizliyi, süni qiymətləndirmə, inhisarçılıq və digər problemlərin də mövcudluğu bazardakı aktivliyə mənfi təsir göstərən əsas səbəblər kimi qeyd olunur.
Yaxın günlərdə İMB-da sabitliyin davam edəcəyi, qiymətlərdə isə ciddi dəyişikliyin müşahidə edilməyəcəyi proqnozlaşdırılır.
-
- İqtisadiyyat
- 16 May 2013 12:55
-
- Bazarların icmalı
- 16 May 2013 13:11
İqtisadiyyat
-
İqtisadiyyat Nazirliyində yerli istehsalın stimullaşdırılması və ixrac potensialının genişləndirilməsi yollarının araşdırılması məqsədilə iyulun 26-da qeyri-neft sənayesi sahibkarları ilə görüş keçirilib.
-
Azərbaycanın internet provayderləri “Aztelekom” və “Baktelekom” avqustun 15-də qiymət strukturunda böyük dəyişikliklər edəcək. Yeni tariflərə əsasən, minimum internet sürəti 100 Mbit/s-dək artacaq, Mbit/s-nin qiyməti 0,45 AZN-dən 0,25 AZN-ə enəcək. Müvafiq olaraq, ödəniş 100 Mbit/s üçün 25 AZN, 150 Mbit/s üçün 30 AZN, 250 Mbit/s üçün 36 AZN-ə uyğunlaşdırılacaq.
-
Müstəqil ekspertlər Azərbaycanın ticarət dövriyyəsinin və ödəniş profisitinin azalması səbəbindən öz valyutası manatın növbəti devalvasiyası ərəfəsində ola biləcəyini ehtimal edirlər. Gözlənilən iqtisadi düzəlişlər valyuta axınının azalması və neft hasilatının azalması fonunda baş verir.
-
Azərbaycanın Xarici İşlər Naziri Ceyhun Bayramov bu gün Azərbaycan Xarici İşlər Nazirliyində Somalinin Xarici İşlər və Beynəlxalq Əməkdaşlıq Naziri Əhməd Moallim Figi ilə görüşüb. Bu görüş, əvvəlki gün Figi ilə Azərbaycanın İqtisadiyyat Naziri Mikail Cabbarov arasında keçirilmiş müzakirələrdən sonra baş tutub.
Rəy yaz