![Yol-tikinti şirkətinin iş həcmi yarıyacan azalıb](https://turan.az/resized/./turan-750-500-resize.webp)
Yol-tikinti şirkətinin iş həcmi yarıyacan azalıb
“AzVirt” şirkəti 2015-ci il üzrə hesabatını açıqlayıb. Sənədə əsasən, şirkət 9 mln manat xalis mənfəət əldə edib. Amma mənfəət əsas əməliyyat fəaliyyəti yox, bank depozitləri üzrə faizlərin hesabınadır.
Hesabata əsasən, ötən il bir çox layihələrin başa çatması ilə əlaqədar “AzVirt” 238,2 mln məbləğində iş görüb. Bu, əvvəlki ildəkindən 57,2% azdır. İşlərin əsas hissəsi (94,7%) yol-tikinti fəaliyyəti ilə bağlıdır. Bu fəaliyyətdən şirkət 227,7 mln manat əldə edib. Bu işlərin 43,2%-i Azərbaycandan xaricdə görülüb.
Şirkət əmlakın icarəyə verilməsindən 5,9 mln manat, məsləhət xidmətindən 4,5 mln manat əldə edib.
2014-cü ilin yekununda şirkətin səhmdarları 24,3 mln manat, 2015-ci ildə 15,7 mln manat dividend əldə edib. Yanvarın 1-i üçün şirkətin bölünməmiş mənfəəti 9,3 mln manatdır.
“AzVirt” MMC-nin səhmdarları iki Almaniya (20% və 30% pay), bir Azərbaycan vətəndaşı (25%) və «Falcom Holding s.a.r.l.» şirkətidir - 25%.
“AzVirt” MMC-nin aktivləri 177 mln manat qiymətləndirilir. Şirkətin 4 ölkədə (Serbiya, Qazaxıstan, Latviya və Rumıniya) nümayəndəliyi, Serbiyada (“Azvirt Balkan Construction”) və Rumıniyada (“AZROM İnternational Constraction”) iki törəmə şirkəti var. 08D
-
- İqtisadiyyat
- 29 İyun 2016 14:29
-
- Siyasət
- 29 İyun 2016 15:31
İqtisadiyyat
-
İqtisadiyyat Nazirliyində yerli istehsalın stimullaşdırılması və ixrac potensialının genişləndirilməsi yollarının araşdırılması məqsədilə iyulun 26-da qeyri-neft sənayesi sahibkarları ilə görüş keçirilib.
-
Azərbaycanın internet provayderləri “Aztelekom” və “Baktelekom” avqustun 15-də qiymət strukturunda böyük dəyişikliklər edəcək. Yeni tariflərə əsasən, minimum internet sürəti 100 Mbit/s-dək artacaq, Mbit/s-nin qiyməti 0,45 AZN-dən 0,25 AZN-ə enəcək. Müvafiq olaraq, ödəniş 100 Mbit/s üçün 25 AZN, 150 Mbit/s üçün 30 AZN, 250 Mbit/s üçün 36 AZN-ə uyğunlaşdırılacaq.
-
Müstəqil ekspertlər Azərbaycanın ticarət dövriyyəsinin və ödəniş profisitinin azalması səbəbindən öz valyutası manatın növbəti devalvasiyası ərəfəsində ola biləcəyini ehtimal edirlər. Gözlənilən iqtisadi düzəlişlər valyuta axınının azalması və neft hasilatının azalması fonunda baş verir.
-
Azərbaycanın Xarici İşlər Naziri Ceyhun Bayramov bu gün Azərbaycan Xarici İşlər Nazirliyində Somalinin Xarici İşlər və Beynəlxalq Əməkdaşlıq Naziri Əhməd Moallim Figi ilə görüşüb. Bu görüş, əvvəlki gün Figi ilə Azərbaycanın İqtisadiyyat Naziri Mikail Cabbarov arasında keçirilmiş müzakirələrdən sonra baş tutub.
Rəy yaz