![Qulu İbrahimli](https://turan.az/resized/media/2017/main/042300000683-750-500-resize.webp)
Qulu İbrahimli
«ABB sindromu» manatın məzənnəsi faktoru kimi
Bakı/21.04.17/Turan: 2017-ci ilin 02 fevralında çərşənbə axşamı manat pik həddə ucuzlaşdırılb USD/AZN məzənnəsi 1,9200 manata yüksəldilib və fevralın 16-da (yenə çərşənbə axşamı) ayın ən aşağı səviyyəsi olan 1,7296 manata salınıb, növbəti gün isə yenidən manat ucuzlaşdırılmağa (1,7352) başlanıb. Bu, təsadüfi deyil, Mərkəzi Bankın məqsədyönlü siyasətinin, iki həftə ərzində ABB-nin problemli kreditlərinin növbəti hissəsinin ötürülməsinin və ona vəsait ayrılmasının nəticəsidir. Müstəqil ekspert Qulu İbrahimli belə hesab edir.
Ekspertin sözlərinə görə, fevralın 2-də ABB-nin dollarla olan problemli aktivləri ən yüksək məzənnə əsasında (1,92) manatla qiymətləndirilib və “Aqrarkredit”ə ötürülüb ki, Mərkəzi Bankdan daha çox vəsait alınsın. “Fevralın 15-16-da da Neft Fondundan Mərkəzi Banka valyuta transferti məbləğindən ABB-yə xarici valyuta ödənib. Ona görə də manat həmin gün bahalaşdırılıb ki, daha çox xarici valyuta ödənsin», deyə Q.İbrahimli hesab edir.
Ekspert indiki tənzimləmə rejimini “ABB sindromlu məzənnə rejimi” adlandırır. AMB 2016-cı ilin sonunda manatın «tam üzən məzənnəyə” keçdiyini elan edib.
Q.İbrahimli hesab edir ki, 2015-ci ildəki ikinci kəskin devalvasiyası ilə Azərbaycan Beynəlxalq Bankı problemi arasında birbaşa əlaqə var. Onun fikrincə, məhz ABB-nin problemli kreditlərinin müqabilində emissiyaya yol verilməsi AMB-nin balansında tarazlığın pozulmasına səbəb olub və iqtisadiyyatda bir çox proseslər birbaşa və ya dolayısı ABB-nin sağlamlaşdırılması ilə bağlıdır. 08D
-
- Siyasət
- 21 Aprel 2017 12:52
-
- İqtisadiyyat
- 21 Aprel 2017 13:10
Maliyyə
-
Hesablama Palatası Bakı Dövlət Universitetində, eləcə də Azərbaycan Dövlət Bədən Tərbiyəsi və İdman Akademiyasında nöqsanlar aşkar edib.
-
2023-cü ildə Dövlət Neft Fondunun (ARDNF) işçilərinin əmək haqqı xərcləri 9,8 milyon manat təşkil edib.
-
2024-cü ilin I yarısında Azərbaycanın dövlət büdcəsinin əsaslı xərcləri 4 948 milyon manat təşkil edib.
-
2024-cü il iyunun sonuna Azərbaycanın kredit ittifaqları 9,1 milyon manatlıq balans kapitalına malik olub.
Rəy yaz