Taksi xidməti inhisarlaşdırılır
Bakı/21.04.17/Turan: Taksi xidmətində vahid tariflər bu sahəni inhisarlaşdırmaq üçündür, deyə iqtisadçı Natiq Cəfərli hesab edir.
Bakı Nəqliyyat Agetliyinin baş direktoru Vüsal Kərimlinin vahid tariflər təşəbbüsünü o, Turan-a belə şərh edib.
Əvvəllər АРА-ya müsahibəsində Kərimli deyib ki, Nazirlər Kabineti və İqtisadiyyat Nazirliyinə artıq müraciət edilib.
N.Cəfərli deyib ki, taksi sahəsi inflyasiya və devalvasiyaya baxmayaraq, son iki ildə qiymətin düşdüyü az sahələrdəndir və buna səbəb sahədəki rəqabətdir.
«Hakimiyyətin fəlsəfəsi bundan ibarətdir ki, onların nəzarət etdiyi sahələr ən yaxşılardır. Əslində isə əksinədir. Hökumətin nəzarət etmədiyi sahələr bazar iqtisadiyyatı prinsipləri ilə inkişaf edir», deyə o bildirib.
N.Cəfərli bunu, yəqin ki, London taksilərinin rentabelliliyini artırmaq üçün edirlər.
«Onları dövlət büdcəsindən yardım ilə alıblar. İndi bu taksilər rentabelliliyi itirib. Çünki İnternet və qısa nömrələrlə xidmət təklif edən çox sayda şirkətlər var. London taksilərinin planı azaldılmır və ona görə vahid tariflə onların rentabelliliyini qaytarmaq istəyirlər», deyə o, hesab edir.
İstehlakçıların Hüquqlarının Müdafiəsi İB sədri Eyyub Hüseynov isə bu qərarı istehlakçı hüquqlarının pozulması sayır.
«Hökumət tarif tətbiq etməməli, rəqabət yaratmalıdır. Taksi sahəsində inhisar yaratmaq cəhdi aşkar görünür. Hələ Adam Smit deyirdi ki, inhisar istehlakçının başı üstündə baltadır. Normal bazar istisadiyyatında müştəri özü seçim etməlidir», deyə o bildirib.
İqtisadiyyat Nazirliyinin mətbuat xidmətində Turan-a deyiblər ki, taksi xidmətində vahid tarif barədə onlara təklif daxil olmayıb.
«Hələlik təklif yoxdur, ona göröə antiinhisar qanunları baxımından onları nzəərdən keçirə bilmərik», deyə mətbuat xidmətində bildiriblər. --71D--
İqtisadiyyat
-
İqtisadiyyat Nazirliyində yerli istehsalın stimullaşdırılması və ixrac potensialının genişləndirilməsi yollarının araşdırılması məqsədilə iyulun 26-da qeyri-neft sənayesi sahibkarları ilə görüş keçirilib.
-
Azərbaycanın internet provayderləri “Aztelekom” və “Baktelekom” avqustun 15-də qiymət strukturunda böyük dəyişikliklər edəcək. Yeni tariflərə əsasən, minimum internet sürəti 100 Mbit/s-dək artacaq, Mbit/s-nin qiyməti 0,45 AZN-dən 0,25 AZN-ə enəcək. Müvafiq olaraq, ödəniş 100 Mbit/s üçün 25 AZN, 150 Mbit/s üçün 30 AZN, 250 Mbit/s üçün 36 AZN-ə uyğunlaşdırılacaq.
-
Müstəqil ekspertlər Azərbaycanın ticarət dövriyyəsinin və ödəniş profisitinin azalması səbəbindən öz valyutası manatın növbəti devalvasiyası ərəfəsində ola biləcəyini ehtimal edirlər. Gözlənilən iqtisadi düzəlişlər valyuta axınının azalması və neft hasilatının azalması fonunda baş verir.
-
Azərbaycanın Xarici İşlər Naziri Ceyhun Bayramov bu gün Azərbaycan Xarici İşlər Nazirliyində Somalinin Xarici İşlər və Beynəlxalq Əməkdaşlıq Naziri Əhməd Moallim Figi ilə görüşüb. Bu görüş, əvvəlki gün Figi ilə Azərbaycanın İqtisadiyyat Naziri Mikail Cabbarov arasında keçirilmiş müzakirələrdən sonra baş tutub.
Rəy yaz