ABB və “Kapitalbank”ın ADIF-dəki nümayəndələri dəyişib

Azərbaycan Əmanətlərin Sığortalanması Fondunun (ADIF) Himayəçilik Şurasının (HŞ) tərkibi dəyişib.

Bu barədə “Azərbaycan Banklar Assosiasiyası” məlumat yayıb.

Məlumatda deyilir ki, dəyişiklik barədə qərar Assosiasiyanın Rəyasət Heyətinin geniş tərkibdə Ümumi Yığıncağında - gizli səsvermə nəticəsində qəbul edilib.

Qərara əsasən, “Azərbaycan Beynəlxalq Bankı”nın (ABB) İdarə Heyətinin (İH) sədr müavini Elmir Həbibullayev və “Kapitalbank”ın İH-nin üzvü Fərid Hidayətzadə HŞ-ya üzv seçiliblər. Onlar Şurada ABB-nin İH-nin sədri Abbas İbrahimovu və "Kapitalbank"ın Müşahidə Şurasının sədri Rövşən Allahverdiyevi əvəz ediblər.

Hazırda HŞ-ya Azərbaycan Mərkəzi Bankının (AMB) Baş direktoru Gülər Paşayeva sədrlik edir. Onun Şuradakı müavini isə AMB-nin daha bir baş direktoru Şahin Mahmudzadədir.

Şuranın digər üzvləri Elnur Əliyev (iqtisadiyyat nazirinin I müavini), Sadiq Əliyev (Əmək və Əhalilinin Sosial Müdafiəsi Nazirliyinin aparatının Strateji planlaşdırma və innovasiyalar şöbəsinin müdiri) və Ziyəddin Allahverdiyevdir (Maliyyə Nazirliyinin aparatının Maliyyə Xidmətləri üzrə siyasət şöbəsinin müdiri).