Dövlət bankının yeni səhmlərinə verilmiş sifarişlərin sayı 11 mini keçib
Dövlət bankının yeni səhmlərinə verilmiş sifarişlərin sayı 11 mini keçib
Dövlətə məxsus “Azərbaycan Beynəlxalq Bankı”nın (ABB) iyunun 11-dən abunə yazılışına başlanılmış yeni səhmlərinə indiyə qədər 9 mindən çox investor 11 mindən çox sifariş verib.
Bunu bankın törəmə strukturu, səhm emissiyasının anderrayteri – “ABB-İnvest” investisiya şirkətinin direktoru Nadir Babazadə bildirib.
Onun sözlərinə görə, nominal dəyəri 27 qəpikdən 322 milyon ədəd səhmə (86,94 milyon manatlıq) abunə yazılışı əvvəlcədən elan edildiyi kimi sentyabrın 10-na qədər davam edəcək: “Bundan sonra 2 iş günü ərzində yerləşdirmənin başlanma və başa çatma tarixi ilə bağlı elan veriləcək, toplanmış sifarişlər icra ediləcək. Qanunvericiliyə görə, yerləşdirmə üçün maksimal müddət 7 iş günüdür”.
“Abunə yazılışı zamanı sifarişdə qiymət nə qədər çox göstərilsə, sifarişin təmin edilməsi ehtimalı bir o qədər artır. Əgər tələb təklifdən çox olsa, o zaman daha çox qiymətlə verilmiş sifarişlər ilk növbədə təmin ediləcək. 27 qəpikdən verilmiş sifarişlər isə alınan səhmlərin sayına görə mütənasib qaydada icra olunacaq”, - deyə direktor əlavə edib.
-
- Maliyyə
- 11 İyul 2024 09:48
Maliyyə
-
Azərbaycan Mərkəzi Bankının sədri Taleh Kazımov ABŞ-ın paytaxtı Vaşinqtonda Dünya Bankının Avropa və Mərkəzi Asiya regionu üzrə vitse-prezidenti xanım Antonella Bassani ilə görüşüb.
-
Azərbaycan Mərkəzi Bankı 2024-cü ilin yanvar-sentyabr aylarının yekunları ilə bağlı kredit ittifaqı icmalını açıqlayıb.
-
Azərbaycan Mərkəzi Bankı 2024-cü ilin yanvar-sentyabr aylarının yekunları ilə bağlı bank olmayan kredit təşkilatı (BOKT) icmalını açıqlayıb.
-
Azərbaycan Mərkəzi Bankı 2024-cü ilin yanvar-sentyabr aylarının yekunları ilə bağlı bank icmalını açıqlayıb.
Rəy yaz