![Unibank 2019-cu ili mənfəətlə başa vurub](https://turan.az/resized/750/500/resize/media/2020/main/013100024264.jpg)
Unibank 2019-cu ili mənfəətlə başa vurub
“Unibank” KB ASC 2019-cu ilin maliyyə nəticələrini açıqlayıb. 31 dekabr 2019-cu il tarixə bankın əldə etdiyi mənfəət (İFRS üzrə) 79 milyon manat təşkil edib. Bankın kapitalı (İFRS üzrə) 135 milyona çatıb.
Unibank KB İdarə Heyətinin sədri Faiq Hüseynov 2019-cu ili bank üçün uğurlu illərdən biri kimi dəyərləndirib: “Ötən il Unibank üçün inkişaf prosesləri və nailiyyətlərlə yadda qaldı. Ilk növbədə banklar üçün mühüm tədbirlərdən biri olan “Azərbaycan Respublikasında fiziki şəxslərin problemli kreditlərinin həlli ilə bağlı əlavə tədbirlər haqqında” Prezident fərmanını uğurla icra etdik. 125 minə yaxın müştəriyə 66.5 milyon manat məbləğində kompensasiya vaxtında ödənildi. Bu, bizim qarşımızda olan çox vacib və mühüm bir iş idi. Bankımız bütün göstəricilər – kredit və depozit portfelləri, müştəri sayı, kredit kartları -üzrə əhəmiyyətli artım əldə edib. Bankın daxili insitutisional inkişafı üzrə böyük iş apardıq. Əldə etdiyimiz bütün nəticələr onu deməyə əsas verir ki, 2019-cu il bu il və qarşıdakı illər üçün “Unibank”ın daha böyük uğurlarına zəmin ili olub”.
İlin əvvəlindən bankın aktivlərinın həcmində 12 % artım qeydə alınıb. Bununla da hesabat dövrünə bankın cəmi aktivləri 787 milyon manat təşkil edib.
2019-ci il ərzində də bankda aktiv kreditləşmə müşahidə olunub. Ümumi kredit portfeli 13% artaraq 507 milyon manata çatıb. O cümlədən real sektora, kiçik, orta sahibkarlığa verilən kreditlərin həcmi ötən illə müqayisədə 52% artıb.
“Unibank”ın depozit portfeli il ərzində böyüyüb. Müddətli depozitlər illik 19% artaraq 31 dekabr 2019-cu il tarixinə 345 milyon manat təşkil edib. Müştərilərin tələbli depozitlərində isə illik artım 18% olub və 31 dekabr 2019-cu il tarixinə 185 milyon manat təşkil edib.
Dövriyyədə olan aktiv debet kartların sayı ilin əvvəli ilə müqayisədə 30% artaraq 356 minə çatıb.
Unibank KB ASC 1992-ci ildən fəaliyyət göstərir. Bankın paytaxtda və regionlarda geniş xidmət şəbəkəsi mövcuddur. 27 ildən artıq mövcudluğu dövründə uğurlu kommersiya fəaliyyəti və sosial layihələrdə iştirakına görə beynəlxalq və yerli təşkilatlar tərəfindən çoxsaylı mükafatlara layiq görülüb.
Unibank- hər kəsin bankı!®
-
- Maliyyə
- 31 Yanvar 2020 10:59
Maliyyə
-
Auditorlar Palatası 2023-cü ilin yekunları ilə bağlı maliyyə göstəricilərini açıqlayıb. Palata ötən il 0,16 milyon manat mənfəət əldə edib.
-
2024-cü ilin yanvar-iyul aylarında Azərbaycanda kreditlərin sığortası üzrə 2 657,7 min manat sığorta haqqı toplanılıb.
-
“Qala Sığorta” şirkəti İqtisadiyyat Nazirliyinin tabeliyindəki İxracın və İnvestisiyaların Təşviqi Agentliyinin (AZPROMO) nəqliyyat vasitələrinin tam könüllü (KASKO) sığortası ilə bağlı elan edilmiş açıq tenderin qalibi olub.
-
Azərbaycan Mərkəzi Bankı (AMB) Latviyanın "Sun Finance Cetral Asia AS" şirkətinin törəmə strukturu – “SF Azerbaijan” bank olmayan kredit təşkilatının (BOKT) vəzifəli şəxsini inzibati məsuliyyətə cəlb edib.
Rəy yaz