Bakı/31.10.19/Turan: Oktyabrın 30-da 1 saylı Bakı İnzibati-İqtisad Məhkəməsində hakim Şəhla Süleymanovanın sədrliyi ilə ADO teatrının Azərbaycan Respublikası Mədəniyyət Nazirliyinə qarşı qaldırdığı məhkəmə iddiası üzrə hazırlıq iclası keçirilib.
Məhkəməyə başında qəfəslə gələn teatr rəhbəri bunu ölkə incəsənətinə azadlıq verilməməsinin rəmzi kimi qiymətləndirib:
"Hazırlıq iclasına qarşı tərəf qatılmadığı üçün hakim Mədəniyyət Nazirliyinə işin halı və qətnamə göndərəcəyini bildirdi. Nazirlik məhkəməyə rəsmi cavab təqdim etdikdən sonra növbəti baxış prosesinin vaxtı bəlli olacaq. Bu barədə ətraflı məlumat yayacağıq".
Qeyd edək ki, ilk müstəqil teatr olan ADO (Azərbaycan Dağınıq Oda teatrı) 2 ildən çoxdur ki, küçə performansları nümayiş etdirmək üçün Mədəniyyət Nazirliyinə və Bakı Şəhər İcra Hakimiyyətinə rəsmi müraciətlər edir. Lakin hər iki qurum bunun onların səlahiyyətinə aid olmadığını vurğulayır, nazirlik bu məsələyə meriyanın, meriya isə nazirliyin baxdığını bildirir. Teatr bununla bağlı Mədəniyyət Nazirliyini məhkəməyə verib. Nazirlik teatrın küçə tamaşalarına razılıq vermədiyini bildirir, teatrın son rəsmi müraciətinə isə qanunvericilikdə nəzərdə tutulmuş müddəti keçməsinə baxmayaraq, heç bir cavab verməyib.
Nazirliyin teatr şöbəsinin əməkdaşı Könül Cəfərova isə telefon vasitəsilə teatra bildirib ki, onlar ADO-nun küçə performansları nümayiş etdirməsinə qarşıdırlar.
Həmçinin, ADO teatrının küçə tamaşalarına Mədəniyyət Nazirliyi tərəfindən əngəllərin törədilməsinə etiraz olaraq vətəndaşlar bir müddət öncə imzatoplama kampaniyasına start verib. 1600-dən çox vətəndaş beynəlxalq imzatoplama saytı olan "Change.Org" saytı vasitəsilə bir araya gəlib. Teatr həmin imzaları rəsmi məktubla nazirliyə göndərib və nazirin vətəndaşların, eyni zamanda teatrın mövqeyinə cavab verməsini istəyib. Nazirlik isə vətəndaşların çağırışına, hələ ki, reaksiya verməyib. -0-
Mədəniyyət
-
Azərbaycanın zəngin mədəni irsi arasında teatr sənəti xüsusi yer tutur. Lakin bu irsin mühüm bir hissəsi olan bölgə teatrları uzun illər boyu paytaxt tamaşaçısından kənarda qalıb və tamaşaçı auditoriyası paytaxta nisbətən məhduddur. "Bölgə teatrlarının Bakı premyerası" layihəsi, bu boşluğu aradan qaldırmaq məqsədilə həyata keçirilərək, bölgə teatrlarını Bakı səhnəsinə daşımaqla həm yerli teatr sənətinə yeni nəfəs gətirir, həm də mədəniyyətlərarası dialoqu gücləndirir.
-
Tarix elmləri doktoru Cəmil Həsənlinin 2024-cü ilin son günündə “Təbriz-1946-cı il: Milli Hökumətin Zəfər və Faciəsi” kitabı çapdan çıxıb.
-
Kino həmişə həyatın mürəkkəbliyini əks etdirən bir güzgü olub və bəzən ən dərin həqiqətləri üzə çıxaran səssiz bir şahid rolunu oynayıb. 25 dekabrda Bakının Nizami Kino Mərkəzində hekayə anlatımı və yaradıcılığın möhtəşəm bir bayramı keçirildi. Azərbaycan Kino İttifaqının təşkil etdiyi bu tədbir, “Ağ qara hərflərin rəngli yuxuları” layihəsinin final mərhələsini qeyd etdi və Rövşən İsaxın rejissorluğu ilə hazırlanmış Məhkəmə adlı qısametrajlı bədii film nümayiş etdirildi. Bu gecə sadəcə bir film premyerası deyil, həm də öyrənmə və yaradıcı əməkdaşlıq yolunda böyük bir nailiyyətin təntənəsi idi.
-
Ekranın cazibəsi tez-tez aktrisaların, xüsusilə yaşlandıqca qarşılaşdıqları ifadə olunmayan mübarizələri gizlədir. Parlaq işıqların və alqışların arxasında, stereotiplərlə, cəmiyyətin təzyiqləri ilə və məhdud imkanlarla dolu bir reallıq dayanır. Bir çox aktrisa üçün zamanın keçməsi yalnız şəxsi kimliklərini deyil, həm də gənclik və ənənəvi gözəllik standartlarına fokuslanmış bir sənayedə peşəkar varlıqlarını təhdid edir.
Rəy yaz