Bakı/17.04.18/Turan: Avropa İttifaqının Azərbaycandakı nümayəndəliyi Aİ üzv dövlətlərinin səfirlikləri, İsveçrə, Norveç, Braziliya, Kosta Rika, İsrail, Peru, Moldova, Meksika, Birləşmiş Ştatlar, Argentinanın Bakıdakı səfirlikləri və United Cultures ilə birgə əməkdaşlıq çərçivəsində mədəniyyətlərarası dialoq və tolerantlıq dəyərlərini təbliğ edən 2-ci IMAGINE Avropa Tolerantlq Festivalını təşkil edir.
Aİ ofisinin məlumatında bildirilir ki, festival mayın 2-dən 17-dək keçiriləcək. Proqrama musiqi tamaşaları, master klaslar, teatr sərgiləri, film nümayişləri, debatlar və İmagine Avropa Tolerantlıq Festivalına qatılacaq beynəlxalq səviyyədə tanınmış film rejissorları və musiqiçilərlə müzakirələr daxildir.
Festival İnsan Hüquqları Bəyannaməsinin 70 illiyinə həsr olunur. Festivala tolerantlıq və müxtəliflik mövzusunda 40-dan çox sənədli film təqdim olunacaq.
Təşəbbüs Azərbaycan Dövlət Mədəniyyət və İncəsənət Universiteti, Cinex Production, ADA Universiteti, Baku Musiqi Akademiyası, Venesiyanın Ca" Foscari Universiteti, Azərbaycan Dillər Universiteti, ADO Teatr- Kollektivinin əməkdaşlığı ilə The Landmark, Park Cinema, "Yarat" Müasir İncəsənət Mərkəzi tərəfindən dəstəklənib.
Aprelin 19-da saat 17:00-da Landmark-da festivalla əlaqədar mətbuat konfransı keçiriləcək.-06D-
Mədəniyyət
-
Avropa İttifaqının Azərbaycandakı Nümayəndəliyi Aİ-yə üzv dövlətlərin səfirlikləri ilə birgə ikinci “Avropa Təamları” Kulinariya Festivalını keçirəcək.
-
Demək olar ki, həftəlik yeni sərgilərin açıldığı Bakıda canlı art-səhnə arasında bir parlaq vitrin xüsusilə fərqlənib. Sərgiyə gələnləri göz oxşayan rənglər və ya avanqard konsepsiyalar yox, bir əsrdən çox tarixi olan, lakin hələ də keçmiş dövrün parlaq mahiyyəti ilə dolu fotoşəkillərin sepiya- tonları cəlb edir.
-
İncəsənəti beynəlxalq münasibətlərlə birləşdirən diplomatik bir jest olaraq, ABŞ-ın Azərbaycandakı Səfirliyi, səfirliklərin mədəni əlaqələr qurmaqda rolunu yenidən nəzərdən keçirən bir tədbirə ev sahibliyi etdi. Sentyabrın 30-da ABŞ-ın Azərbaycandakı səfiri Mark Libbi öz iqamətgahında “Səfirliklərdə İncəsənət” adlı tədbir təşkil edərək, azərbaycanlı və xarici qonaqları iki ölkə arasında incəsənət əlaqələrini kəşf etməyə dəvət etdi.
-
O, İsveçrə və Azərbaycan arasında körpülərin qurulması məqsədilə dünya turu çərçivəsində Bakıda səhnəyə çıxacaq. Konsert sentyabrın 18-də saat 19:00-da Rəşid Behbudov Mahnı Teatrında olacaq. Tədbir İsveçrənin Azərbaycandakı səfirliyinin təşəbbüsü ilə baş tutacaq.
Rəy yaz