Eldar Quliyev
Bakı/16.04.21/Turan: Kinorejissor, ssenarist, xalq artisti Eldar Quliyev bu gün səhər saatlarında dünyasını dəyişib, bu barədə Azərbaycan Kinematoqrafçılar İttifaqının məlumatında bildirilir.
“Filmlərimdə özümdən danışmışam. O filmlərdə mənim fikirlərim, mənim arzularımdır. Məni tanımaq istəyən adam çəkdiyim filmlərə baxsın. Bəyənmədiyim, ruhuma, estetikama uyğun olmayan filmləri qəbul etməmişəm, imza atmamışam. Rejissor bütün ömrü boyu bir film çəkir. Rejissorun filmindəki fikirlər cəmiyyətin düşüncəsi ilə üst-üstə düşməlidir”, deyən rejissor 80 illik yubiley yaşında həyatla vidalaşıb.
İttifaqın məlumatında deyilir: “Quliyev 1960–1966-cı illərdə Moskvada Ümumittifaq Dövlət Kinematoqrafiya İnstitutunun rejissorluq fakültəsində təhsil alıb.
1967-ci ildən “Azərbaycanfilm” kinostudiyasında fəaliyyətə başlayıb. İlk dəfə öz ssenarisi əsasında “Biri vardı, biri yoxdu…” adlı qısametrajlı filmini çəkib.
1969-cu ildə isə ilk böyük ekran əsəri olan “Bir cənub şəhərində” filmini çəkməklə kinoda özünü təsdiq edib və bəhs etdiyimiz filmlə Azərbaycan kinosunda yeni bir mərhələnin başğlanğıcını qoyub.
Rejissorun 1979-cu ildə quruluş verdiyi, tarixi janrda çəkilən “Babək” filmi Azərbaycan kino tarixində özünə layiq yer tutmaqla yanaşı, dünya kinoteatrlarında özünə yer edib, 52 ölkə tərəfindən alınan film dünya tamaşaçıları tərəfindən yüksək səviyyədə qarşılanıb.
Eldar Quliyevin yaradıcılığı genişşaxəli olmaqla yanaşı, fərqli üslubu ilə seçilir. Quruluş verdiyi filmlərin (“Ən vacib müsahibə”, “Var olun, qızlar…”, “Ürək… Ürək…”, “Nizami”, “Nə gözəldir bu dünya…”, “Girov”, “İstanbul reysi”, “Dərvişin qeydləri” və s.) hər birində insan taleyi dayanır, onun keşmişi, keçdiyi yol, həyat tərzi tamaşaçı auditoriyasına aşılanır.
Rejissor Azərbaycan Dövlət Mədəniyyət və İncəsənət Universitetində kino kafedrasının professoru, Bakı Beynəlxalq Multikulturalizm Mərkəzi Himayəçilik Şurasının üzvü idi. “Debüt” Eksperimental Gənclik yaradıcılıq studiyasının rəhbəri kimi fəaliyyət göstərib, Azərbaycan Professional Kinorejissorlar Gildiyasının ən fəal yaradıcılarından olub.
Xatırladaq ki, Eldar Quliyev 18 yanvar 2021-ci ildə infarkt keçirib, bir müddət müalicə alıb.
16 aprel 2021-ci ildə müalicə aldığı Respublika Müalicəvi Diaqnostika Mərkəzində vəfat edib.
Azərbaycan Kinematoqrafçlar İttifaqının İdarə Heyəti adından mərhumun ailəsinə dərin hüznlə başsağlığı verir, Allahdan səbr diləyirik.
Allah rəhmət eləsin!”. -0-
Mədəniyyət
-
Tarix elmləri doktoru Cəmil Həsənlinin 2024-cü ilin son günündə “Təbriz-1946-cı il: Milli Hökumətin Zəfər və Faciəsi” kitabı çapdan çıxıb.
-
Kino həmişə həyatın mürəkkəbliyini əks etdirən bir güzgü olub və bəzən ən dərin həqiqətləri üzə çıxaran səssiz bir şahid rolunu oynayıb. 25 dekabrda Bakının Nizami Kino Mərkəzində hekayə anlatımı və yaradıcılığın möhtəşəm bir bayramı keçirildi. Azərbaycan Kino İttifaqının təşkil etdiyi bu tədbir, “Ağ qara hərflərin rəngli yuxuları” layihəsinin final mərhələsini qeyd etdi və Rövşən İsaxın rejissorluğu ilə hazırlanmış Məhkəmə adlı qısametrajlı bədii film nümayiş etdirildi. Bu gecə sadəcə bir film premyerası deyil, həm də öyrənmə və yaradıcı əməkdaşlıq yolunda böyük bir nailiyyətin təntənəsi idi.
-
Ekranın cazibəsi tez-tez aktrisaların, xüsusilə yaşlandıqca qarşılaşdıqları ifadə olunmayan mübarizələri gizlədir. Parlaq işıqların və alqışların arxasında, stereotiplərlə, cəmiyyətin təzyiqləri ilə və məhdud imkanlarla dolu bir reallıq dayanır. Bir çox aktrisa üçün zamanın keçməsi yalnız şəxsi kimliklərini deyil, həm də gənclik və ənənəvi gözəllik standartlarına fokuslanmış bir sənayedə peşəkar varlıqlarını təhdid edir.
-
Bakının hərəkətli küçələrində, dəbin şəhərin siluetləri qədər dinamik olduğu bir mühitdə, sakit bir inqilab baş verir. Azərbaycanın tullantıların idarə edilməsində əldə etdiyi uğurlara baxmayaraq, geyim və tekstil tullantıları məsələsi ətraf mühitin inkişafına kölgə salmaqda davam edir. Təkcə 2023-cü ildə ölkədə 2,7 milyon ton bərk məişət tullantısı yaranıb. Bu rəqəm atılan geyimlərin artan miqyasını gizlətsə də, qlobal trendlərlə bənzərlikləri nəzərə çarpır. ABŞ-da hər il təxminən 17 milyon ton geyim tullantıya atılır, Avropa İttifaqında isə bu rəqəm 5,8 milyon tona çatır. Proqnozlara əsasən, sürətli dəbin inkişafı ilə bu göstərici 2050-ci ilə qədər 175 milyon tona qədər yüksələ bilər.
Rəy yaz