Bakı/20.11.18/Turan: Britaniyanın məşhur Routledge nəşri məşhur Azərbaycan tarixçisi Cəmil Həsənlinin "Azərbaycan Respublikasının xarici siyasəti. 1918-1920-ci illərdə mürəkkəb Qərbə inteqrasiya yolu" adlı kitabını böyük tirajla yenidən dərc edib.
Monoqrafiya Azərbaycan Xalq Cümhuriyyətinin 100 illiyinə həsr olunub və bu il həmin dövrlə bağlı ingilis dilində dərc edilmiş yeganə tarixi əsər oldu.
"Bu nəşr ikincidir, elə ki, ilk nəşrə Qərb tarixçiləri, ekspertlər və regionumuzun tarixi tədris olunan universitetlər tərəfindən böyük tələbat olub. Bu səbəbdən nəşriyyatçılar təkrar və böyük tiraj buraxmağı qərara alıblar", deyə Cəmil Həsənli Turan-a bildirib.
O, Azərbaycan tarixi və xüsusən AXC-nin mövcudluğu və süqutu dövrü haqqında həqiqətlərə dünyada bu qədər tələbat olmasına təəccübünü bildirib.
Qeyd edək ki, 400 səhifəlik monoqrafiyada İslam şərqində ilk respublikanın xarici siyasətini, Birinci Dünya Müharibəsindən sonra dünyada geosiyasi vəziyyətin, Rusiyanın dağılmasının və böyük dövlətlərin regionda öz maraqları uğrunda mübarizəsinin təhlilini əks etdirən nadir sənədlər toplanıb. -02B-
Mədəniyyət
-
Azərbaycanda elektron musiqi səhnəsi son illərdə canlansa da, bu sahədə qadın DJ-lərin sayı hələ də məhduddur. Musiqi sənayesində öz yerini tutmaq istəyən qadınlar təkcə texniki bacarıqları ilə deyil, həm də cəmiyyətin onlara biçdiyi rollarla və gender balanssızlığı ilə mübarizə aparmalı olurlar.
-
Dünyada dayanıqlılıq təşəbbüsləri sürətlə artarkən, Avropa İttifaqının "Yaşıl Gələcək 2025" müsabiqəsi Azərbaycanda gənc innovatorlar üçün ekoloji problemlərə biznes yönümlü həllər təqdim etməyə imkan yaradan bir platformaya çevrilib. Bakıda keçirilən bu müsabiqənin dördüncü buraxılışı Azərbaycanlı gənclərin yaşıl innovasiyalara bağlılığını və yaradıcılığını nümayiş etdirdi, Avropa İttifaqının genişmiqyaslı "Planetimiz naminə" kampaniyasına töhfə verdi.
-
Sənət mübadiləsi və mədəni diplomatiyanın bir bayramı olaraq, Bakıda Ambassador Cultural Club-da “Azərbaycanlı rəssamların gözü ilə Macarıstan” layihəsinin üçüncü mərhələsi çərçivəsində Macarıstanın ənənələrindən və mədəni irsindən ilhamlanan rəsm əsərlərinin sərgisi təqdim edilib. Azərbaycan Respublikasındakı Macarıstan səfirliyi və müstəqil incəsənət platforması «Arts Council Azerbaijan» tərəfindən təşkil olunan bu təşəbbüs iki ölkə arasında sənət və mədəniyyət sahəsində əlaqələrin dərinləşməsinə töhfə verir.
-
Ahmet Güneştekin İstanbul Bələdiyyəsi Feshane Mədəniyyət Mərkəzinin 8 min kvadratmetrlik qapalı salonlarında açılan “İtmiş Əlifba” fərdi sərgisindən bir neçə gün sonra Turan İnformasiya Agentliyinin suallarını cavablandırdı. İstanbulun bələdiyyə sədri Ekrem İmamoğlunun açdığı sərgi 20 iyula qədər açıq olacaq.
Rəy yaz