3 günlük gözləmədən sonra Paşinyan Arutyunyanı qəbul edib

Bakı/12.10.22/Turan: Çərşənbə günü Yerevanda baş nazir Nikol Paşinyanın Qarabağ Separatçılarının lideri Araik Arutyunyanla görüşü keçirilib.

Paşinyan üç günlük gözləmədən sonra Arutyunyanı qəbul edib, onunla birlikdə gələn qarabağlıların nümayəndə heyətinə isə məhəl qoymayıb.

Praqada dördtərəfli görüşdən qayıtdıqdan sonra Təhlükəsizlik Şurasının iclasını keçirən Paşinyan qarabağlıları iclasa dəvət etməyib, baxmayaraq ki, müntəzəm olaraq onları dəvət edirdi.

Bundan dərhal sonra Ermənistan XİN-in nümayəndəsi Unanyan Ermənistanın Qarabağın təhlükəsizliyini qorumaq imkanı olmadığını bəyan edib.

Bu arada, Arutyunyanın nümayəndə heyəti Yerevana Praqada Əliyev və Paşinyan arasında imzalanmış Ermənistanın və Azərbaycanın bir-birinin ərazi bütövlüyünü dəstəklədiyi haqqında bəyanatdan qəzəblənən qarabağlıların tələbi ilə gəlib.

Bir sıra Ermənistan KİV-lərinin məlumatına görə, Paşinyan Arutyunyanı "Qarabağ prezidenti" vəzifəsindən istefa verməyə çağırıb. 02D