Bakı/14.02.20/Turan: 12 namizəd 41 saylı Sumqayıt birinci seçki dairəsində parlament seçkilərinin nəticələrinin ləğvini tələb edib. Birgə bəyanatda bildirilib ki, səlahiyyətli nümayəndələr, müvəkkil şəxslər, müşahidəçilər, habelə seçki komissiyalarının üzvləri məşvərətçi səslə yüzlərlə pozuntu qeydə alıblar və bunlar video sübutlar ilə təsdiqlənib.
Ən çox yayılan pozuntular “karusel”lər, bülletenlərin topa şəklində atılması, bülleten çatışmazlığı və bəzi hallarda öncədən işarələnmiş bülletenlərin müəyyənləşdirilməsi olub. Bundan əlavə, müşahidəçilərə və namizədlərin digər nümayəndələrinə təzyiq göstərilib.
Müraciət müəllifləri səsvermənin nəticələrinin etibarsız sayılmasını və yeni seçkilərin keçirilməsini tələb edirlər.
Bəyanatı Könül Əliyeva (Müsavat Partiyası), Kamil Bədəlov, Elman Səfərov, Əli İsgəndərov, Emin Nəbiyev, Murad Rəhimli, Vüqar Xəlilov, Vasif İsmayılov (Real Cümhuriyyətçilər İttifaqı), Dəyanat Səlimxanlı, Sərvər Süleymanlı, Bəhruz Mehdiyev, Elnur Abbaszadə imzalayıblar.
Qeyd edək ki, ilkin məlumatlara görə, həmin dairədə Yeni Azərbaycan Partiyasından namizəd Hicran Hüseynova liderdir, seçicilərin 32,6% səsini qazanıb.—06D-
Siyasət
-
COP29 iqlim sammitində əldə edilən razılaşma BMT Baş Katibi Antoniu Quterreş tərəfindən iqlim dəyişikliyinə qarşı qlobal səylərdə mühüm addım kimi qiymətləndirilib. Yüksək səviyyəli müzakirələrin yekununda çıxış edən Quterreş, bu razılaşmanın qlobal istiləşməni 1,5°C həddində saxlamaq məqsədini qorumaq üçün həlledici olduğunu vurğulayıb. Bu hədd iqlim dəyişikliyinin ən pis təsirlərini qarşısını almaq üçün kritik hesab olunur.
-
Noyabrın 23-də Bakıda BMT-nin İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyasının (COP29) keçirildiyi məkanda müxtəlif ölkələrdən olan ekofəlallr liderlərin kifayət qədər iqlim maliyyəsi ödənilməsi barədə razılığa gələ bilməməsinə etiraz olaraq aksiya keçirib.
-
Bakıda COP29 iqlim konfransının bağlanışı ərəfəsində Beynəlxalq Jurnalistləri Müdafiə Komitəsi Azərbaycanda həbs olunmuş jurnalistlərin cinayət işlərinə diqqəti yönəldib.
-
Bakıda keçirilən BMT-nin İqlim Dəyişikliyi üzrə Çərçivə Konvensiyasının (UNFCCC) 29-cu sessiyası üzrə danışıqlar 24 noyabr tarixinə qədər uzadılıb. Bu barədə UNFCCC Katibliyindən bir mənbə Turan informasiya agentliyinə məlumat verib. Mənbənin sözlərinə görə, iştirakçılar həmin tarixə qədər yekun sənədləri razılaşdırıb imzalamağı planlaşdırırlar.
Rəy yaz